આ હિરોઇનને ચહેરા પર ગાયનું છાણ લગાવી Video કર્યો પોસ્ટ, લોકોએ બરાબર ભાંડી અને કહ્યું કે...

મુંબઈ : બોલિવૂડમાં ડ્રામા ક્વિનના નામથી કુખ્યાત રાખી સાવંતે હાલમાં ઇન્સ્ટાગ્રામ પર પોતાનો વીડિયો પોસ્ટ કર્યો છે. આ વીડિયોમાં રાખીએ ચહેરા પર ખાસ પ્રકારનો ફેસપેક લગાવ્યો છે. રાખીએ માહિતી આપતા જણાવ્યું છે કે તેના આ ફેસપેકમાં ગાયનું છાણ છે અને જો કોઈ પણ ટેન્શન હોય તો ગાયના છાણનો આ ફેસપેક તમામ સમસ્યાઓને દૂર કરી દેશે. 

નોંધનીય છે કે રાખી વિવાદિત હરકતો કરવા માટે જાણીતી છે. થોડા સમય પહેલાં તેણે પોતાના સ્તનના દાનની જાહેરાત કરી હતી. આ માટે તેણે ઇન્સ્ટાગ્રામ એકાઉન્ટ પર એક વીડિયો પોસ્ટ કર્યો હતો. આ વીડિયોમાં તે કહે છે કે ''દુનિયામાં એવા મહાન લોકો છે જે પોતાના શરીરના અલગઅલગ અંગદાન કરે છે. કોઈ પોતાની આંખોનું દાન કરે છે તો કોઈ ફેફસાંનું. મારી પાસે બીજું તો કંઈ નથી પણ હું મારા સ્તનનું દાન કરવા માગુ છું.''