ફ્લેશબેક Video : જ્યારે સૈફની લાઇમલાઇટ ચોરી લીધી હતી ટચુકડી સારાએ

મુંબઈ : સારા અલી ખાન પોતાની પહેલી ફિલ્મ કેદારનાથથી ચર્ચાનો વિષય બની છે. તેની એક્ટિંગ ટેલેન્ટના ભારે વખાણ થાય છે. બોલિવૂડમાં નવોદિતમાં સારા અલી ખાનને સૌથી વધારે લોકપ્રિયતા મળી છે. આ સંજોગોમાં સારા અલી ખાનનો લેટેસ્ટ વીડિયો ઇન્ટરનેટ પર વાઇરલ બન્યો છે. આ વીડિયોમાં સારાએ પિતા સૈફ અલી ખાન સાથે અમિતાભ બચ્ચનના શો કેબીસીમાં હાજરી આપી હતી. આ વીડિયોમાં સૈફની લાઇમલાઇટ ટચુકડી સારાએ ચોરી લીધી છે. 

હાલમાં સારા અલી ખાને બોમ્બે ટાઇમ્સ સાથે વાત કરી હતી. આ વાતચીત દરમિયાન સારાએ માહિતી આપી હતી કે તે તેની માતા અમૃતાની બે ફિલ્મો ચમેલી કી શાદી અને આઇનાની રિમેકમાં કામ કરવા ઇચ્છે છે. તેણે પોતાની લાગણી વ્યક્ત કરતા કહ્યું છે કે ચમેલી કી શાદીમાં કોમિક ટાઇમિંગ અને માસુમિયત કમાલના હતા. આ સાથે મને આઇનાની રિમેકમાં પણ કામ કરવું ગમશે. આ ફિલ્મમાં તેઓ લિડિંગ લેડી નહોતા પણ આમ છતાં તેમનો રોલ એટલો મજબુત હતો કે તેમને બેસ્ટ સપોર્ટિંગ એક્ટરનો ફિલ્મફેર અવોર્ડ મળ્યો હતો.