VIDEO : શાહરૂખના ચાહક છે આ નાઇજિરીયન છોકરાઓ, છક કરી નાખે એવી હરકત

નવી દિલ્હી : બોલિવૂડના બાદશાહ શાહરૂખ ખાનના ચાહકો આખી દુનિયામાં ફેલાયેલા છે. શાહરૂખને આખી દુનિયાના લોકો પસંદ કરી રહ્યા છે જેનું ઉદાહરણ છે સોશિયલ મીડિયામાં વાઇરલ થયેલો વીડિયો. આ વીડિયો નાઇજિરીયાના કેટલાક લોકોએ મળીને બનાવ્યો છે. આ વીડિયોમાં છોકરાઓ 1997માં આવેલી શાહરૂખની ફિલ્મ 'દિલ તો પાગલ હૈ'નું ફેમસ સોન્ગ 'ભોલી સી સૂરત' ગાતા સંભળાઈ રહ્યા છે. આ     વીડિયો ટ્વિટર પર અલી ગુલ ખાન નામના યુઝરે શેયર કર્યો છે. 

ગયા વર્ષે ડિસેમ્બર મહિનામાં રિલીઝ થયેલી શાહરૂખની ફિલ્મ 'ઝીરો' બોક્સઓફિસ પર કોઈ કમાલ નથી કરી શકી પણ આ ફિલ્મમાં તેના અભિનયના ભારે વખાણ થયા છે. આ ફિલ્મમાં તેને સાથે અનુષ્કા શર્મા અને કેટરિના કૈફ જેવી ગ્લેમરસ હિરોઇનો હતી પણ આમ છતાં ફિલ્મ બોક્સઓફિસ પર પિટાઈ ગઈ હતી.