વાઇરલ થયો સની લિયોનીનો સાઇકલ સ્ટન્ટ, 16 લાખથી વધારે લોકોએ લાઇક કર્યો વીડિયો

નવી દિલ્હી : સની લિયોની ચાહકોની સંખ્યા ઘણી વધારે છે જેના કારણે તે કંઈ પણ કરે એ વાઇરલ બની જાય છે. હાલમાં સની એક રિયાલિટી શોના શૂટિંગમાં વ્યસ્ત છે. આ શૂટિંગ દરમિયાન સનીનો એક સ્ટન્ટ વીડિયો વાઇરલ થઈ રહ્યો છે. આ વીડિયોમાં સની રસ્તા પર બેઠી છે અને લક્ષ્ય નામનો છોકરો સાઇકલ સ્ટન્ટ કરે છે. આ વીડિયો અત્યાર સુધી 16 લાખ કરતા વધારે લોકો જોઈ ચૂક્યા છે અને એના પર કમેન્ટ પણ કરી રહ્યા છે. 

સનીએ પોતાના ઇન્સ્ટાગ્રામ એકાઉન્ટ પર આ વીડિયો શેયર કરીને લખ્યું છે કે મેં આ સ્ટન્ટ કરવા માટે બહુ વિનંતી કરી હતી. આ વીડિયોમાં સની રોડ પર ગુલાબી રંગનું હેલ્મેટ પહેરીને બેઠી છે અને બાજુમાં રણવિજય સિંહ લાલ રંગના ટી શર્ટમાં જોવા મળે છે. 

સનીની કરિયરની વાત કરીએ તો બિગ બોસમાં પોતાની ઓળખ મેળવ્યા પછી સનીને અનેક ફિલ્મોમાં કામ કરવાની તક મળી છે. તેના જીવન પરથી બનેલી વેબ સિરિઝ 'કરનજીત કૌર' બહુ ફેમસ રહી છે. હાલમાં સની પોતાના નવા પ્રોજેક્ટમાં વ્યસ્ત છે.