Shah Rukh Khan રાત્રે 2.30 વાગ્યે Juhi Chawla ના ઘરે પહોંચ્યો, સૂઈ ગઈ હતી જૂહી; જાણો પછી શું થયું!

નવી દિલ્હી: બોલીવૂડના નિયમોને તોડતા શાહરૂખ ખાન (Shah Rukh Khan) એ ઘણી વખત હીરોની ઇમેજને ચકનાચૂર કરી વિલન બની ગયો છે. તેની આવી જ એક ફિલ્મ હતી 'ડર' (Durr) જેમાં તે 'કિરણ' નામની છોકરીને એકતરફી પ્રેમ કરે છે અને તેનું જીવવાનું મુશ્કેલ કરી દે છે. ફિલ્મમાં 'કિરણ' નો રોલ નિભાવનાર એક્ટ્રેસ જૂહી ચાવલા (Juhi Chawla) એ હવે જણાવ્યું કે, એકવાર હકિકતમાં શાહરૂખ ખાન રાત્રે 2.30 વાગ્યે તેના ઘરે આવી પહોંચ્યો હતો.

અહીં કર્યો જૂહીએ ખુલાસો
ઘણી ફિલ્મોમાં શાહરૂખ ખાનની કો-સ્ટાર રહેલી જૂહી ચાવલા (Juhi Chawla) એ એક ઘટનાનો ખુલાસો કર્યો છે. જ્યારે સુપરસ્ટાર શાહરૂખ ખાન રાત્રે 2.30 વાગ્યે તેની પાર્ટીમાં પહોંચ્યો હતો! જૂહીએ 'ઝી કોમેડી શો'ના સેટ પર આ વાતનો ખુલાસો કર્યો, જ્યાં તેઓ આ વિકેન્ડમાં એક વિશેષ અતિથિ તરીકે જોવા મળી હતી.

ખાવાનું પણ પતી ગયું હતું, સૂઈ ગઈ હતી જૂહી
જૂહીએ કહ્યું, જ્યારે પણ અમારા ઘરે પાર્ટી હોય છે, અમે હંમેશા શાહરૂખ ખાન (Juhi Chawla) ને ઇનવાઈટ કરીએ છે. એક પાર્ટી દરમિયાન મેં તેને ફોન કર્યો હતો અને દરેક ઉત્સાહિત હતા કે તે આવી રહ્યો છે. ખાસ કરીને મારા કર્મચારી કેમ કે, તેઓ તેની સાથે ફોટો ક્લિક કરવા ઇચ્છતા હતા. એક્ટ્રેસે યાદ કર્યું કે, મેં તેને રાત્રે 11 વાગ્યા સુધીમાં તેને આવવા કહ્યું હતું, પરંતુ તેણે કહ્યું હતું કે તે થોડી વાર લાગશે. આખરે તે લગભગ રાતે 2.30 વાગ્યે આવ્યો. ત્યાં સુધીમાં કર્મચારીઓ જતા રહ્યા હતા અને હું સુઈ ગઈ હતી. ખાવાનું પણ પતી ગયું હતું, તમામ લોકો પોતાના ઘરે જતા રહ્યા હતા, મોડા પહોંચવા પર આવું જ થયા છે.

ફરાહ ખાને પણ કહ્યો હતો SRK ના લેટ થવાનો કિસ્સો
શાહરૂખ ખાનની લેટ પહોંચવાની આદત પર વાત કરતા શોના લાફિંગ બુદ્ધા ફરાહ ખાન (Farah Khan) એ કહ્યું, આપણે બધા જાણીએ છીએ કે જ્યારે સવારે 9 વાગ્યે ફોન આવે છે ત્યારે આપણે જાણીએ છીએ કે શાહરૂખ બપોરે 2 વાગ્યે આવશે. જો કે, જ્યારે તે અચાનક સવારે 11 વાગ્યે આવે છે, ત્યારે વસ્તુઓ ટોસ માટે જાય છે. 'બધું ગડબડ થઈ જાય છે' અને પછી અમારે વસ્તુઓ બદલવી પડે છે.

ફરાહને આપી આ સલાહ
ફરાને શાહરૂખને એક જોરદાર સલાહ આપતા કહ્યું કે, મને લાગે છે, જો તમે મોડા આવી રહ્યા છો, તો સતત મોડા આવો. તમને જણાવી દઇએ કે, 'ઝી કોમેડી શો' ઝી ટીવી પર પ્રસારિત થયા છે.