ગાંધીનગરઃ રાજ્ય સરકારે નવરાત્રી અને દિવાળીના વેકેશનને લઈ જાહેરનામું પ્રસિદ્ધ કર્યું છે. જે મુજબ 10 ઓક્ટોબરથી 17 ઓક્ટોબર સુધી 8 દિવસનું નવરાત્રી વેકેશન રહેશે. તો 5 નવેમ્બરથી 18 નવેમ્બર સુધી 14 દિવસનું દિવાળીનું વેકેશન રહેશે. રાજ્યની તમામ પ્રાથમિક, માધ્યમિક અને ઉચ્ચતર માધ્યમિક શાળાઓમાં આ તારીખ મુજબ વેકેશન રહેશે. તો શાળાઓમાં 19 નવેમ્બરથી બીજુ શૈક્ષણિક સત્ર શરૂ થશે.


મહત્વનું છે કે, આ પહેલા દિવાળીનું વેકેશન 21 દિવસનું અપાતું હતું. પરંતુ આ વર્ષે નવારાત્રીનું વેકેશન જાહેર કરતા દિવાળીના વેકેશનના દિવસોમાં ઘટાડો કરવામાં આવ્યો છે.