લો બોલો! ગુજરાતના પૂર્વ ધારાસભ્યના ભાઈ સાથે તોડ; રાત્રે 3 વાગે પોલીસે કાયદાનો ડર દેખાડી માંગી ખંડણી

ઉદય રંજન/અમદાવાદ: સોલા પોલીસ સ્ટેશન વિસ્તારમાં વધુ એક વાર તોડ કરાયાની નોંધાઈ ફરિયાદ છે. રાત્રે 3 પોલીસ કર્મચારીઓએ ખાનગી ડ્રેસમાં કાયદાનો ડર દેખાડીને 2 લાખ માગ્યા હોવાની સોલા પોલીસ સ્ટેશનમાં ફરિયાદ નોંધાતા ખળભળાટ મચી ગયો છે. સુરેન્દ્રનગરના પૂર્વ ધારાસભ્યના ભાઈ સાથે પોલીસે 60 હજાર રૂપિયાનો તોડ કર્યો છે. રાતે 1 વાગે ફરિયાદી મિલન કેલા પોતાના પરિવાર સાથે ઘરે જતા હતા તે સમયે આ ઘટના બની હતી.

બીજા દિવસે ફરિયાદી મિલન કેલાએ સોલા પોલીસ સ્ટેશન ખાતે જઈને પોતાની ફરિયાદ નોંધાવી હતી. ફરિયાદી સુરેન્દ્રનગરના પર્વ ધારાસભ્યના ભાઈ હોવાનું પણ સામે આવ્યું છે. ત્યારે સોલામાં એક જ અઠવાડિયામાં બીજી ફરિયાદ પોલીસે તોડ કાર્યની નોંધાઈ છે.