ગોંડલમાં ચોકીદારી કરતા આધેડને આખલાએ ઢીંકે ચડાવ્યો, સમગ્ર ઘટના CCTVમાં કેદ
ગોંડલ કડીયા લાઇન વાંજા શેરીમાં રાતે ત્રણેક વાગ્યે ચોકીદારી કરતા નેપાળી ગુરખાજી આધેડને આખલાએ 7 થી 8 વાર ઢીંકે ચડાવી દેતાં માથામાં ગંભીર ઇજા થવા પામી હતી
ઝી બ્યુરો/ગોંડલ: ગોંડલમાં રખડતા ભટકતા આખલાનો આંતક યથાવત જોવા મળ્યો છે. ત્યારે વધુ એક વખત આખલાએ એક વ્યક્તિને ઢીંકે ચડાવી દેતાં તે લોહીલુહાણ અને બેભાન થઇ ગયા હતાં. તેમને ગોંડલ સારવાર અપાવી રાજકોટ હોસ્પિટલમાં ખસેડવામાં આવ્યા હતો.
ગુજરાતના વિદ્યાર્થીઓને બખ્ખાં! રાજ્ય સરકારે જાહેર કરી 'જ્ઞાન સાધના સ્કોલરશીપ યોજના'
બનાવની વિગતો મુજબ ગોંડલ કડીયા લાઇન વાંજા શેરીમાં રાતે ત્રણેક વાગ્યે ચોકીદારી કરતા નેપાળી ગુરખાજી આધેડને આખલાએ 7 થી 8 વાર ઢીંકે ચડાવી દેતાં માથામાં ગંભીર ઇજા થવા પામી હતી.આજુબાજુ લોકો એકઠા થઈ જતા ગંભીર ઈજાગ્રસ્ત નેપાળી આધેડને 108 મારફત ગોંડલની સરકારી હોસ્પિટલમાં સારવાર અર્થે ખસેડવામાં આવ્યા હતા અને બાદમાં વધુ સારવાર માટે રાજકોટ સિવિલમાં ખસેડવામાં આવ્યા હતા.
કરૂણ અંજામ! પ્રેમીને ના તો પ્રેમ મળ્યો કે, ના તો પ્રેમિકા, મળી તો જિંદગીભરની જેલ...
ઘટનાની જાણ ગોંડલ સીટી પોલીસને જાણ કરવામાં આવી હતી. તેમજ આખલાએ સુમસામ રાત્રીમાં મચાવેલ આંતકના CCTV સોશિયલ મિડીયામાં વાયરલ થવા પામ્યા હતા. જેમને લઈને ગોંડલમાં રખડતા ભટકતા આખલાના આંતકના વધતા જતા બનાવોને લઈને શહેરીજનોમાં રોષની લાગણી ફેલાઈ જવા પામી હતી.