મહિલાનું ફેક ઇન્સ્ટાગ્રામ એકાઉન્ટ બનાવી બિભત્સ કોમેન્ટ કરનારની ધરપકડ

તેજશ મોદી/ સુરત: સોશિયલ મીડિયા ભલે લોકોને એક બીજાથી નજીક લાવવાનું માધ્યમ બન્યું હોય, પરંતુ લોકો માટે તકલીફ આપનારું પણ બન્યું છે, લોકો પોતાના ફોટા અપલોડ કરે છે, જેનો ઉપયોગ કરી કેટલાક લોકો ફેક એકાઉન્ટ બનાવી બદનામ કરતાં હોય છે. આવી ઘટનાઓ મહિલાઓ સાથે સૌથી વધુ બનતો હોય છે, ત્યારે સુરતમાં બનેલી વધુ એક ઘટનામાં પોલીસે એક આરોપીની ધરપકડ કરી છે.

આ પણ વાંચો:- અમદાવાદના નાણાં ધીરનારનો વડોદરામાં આપઘાત, હોલટ રૂમમાંથી મળી સ્યૂસાઈડ નોટ

સુરતના સાઈબર ક્રાઇમ પોલીસ મથકમાં એક મહિલાએ ફરિયાદ નોંધાવી હતી કે ઇન્સ્ટાગ્રામ પર તેમના નામ ફેક એકાઉન્ટ બનાવી તેમાં મહિલાના ફોટોગ્રાફ પોસ્ટ કરી તેમાં બિભત્સ લખાણ લખવામાં આવ્યું હતું. સાયબર ક્રાઇમ પો.સ્ટે.માં આઈપીસીની કલમ -૫૦૦ તથા આઇ.ટી.એક્ટ કલમ -૬૬ ( સી ) , ૬૬ ( ઈ ) , ૬૭ અંતર્ગત ગુન્હો દાખલ કરવામાં આવ્યો હતો.

આ પણ વાંચો:- રાજ્યની ખાનગી લેબોરેટરીમાં કરાવી શકાશે હવે બે પ્રકારના રેપીડ એન્ટીબોડી ટેસ્ટ

મહિલાની સંમતી વગર તેમના નામના ફેક ઇન્સ્ટાગ્રામ એકાઉન્ટ બનાવી તેમાં ફરીયાદીની સંમતી વગર તેમના ફેસબુક એકાઉન્ટમાં જે ફોટોગ્રાફ અપલોડ કરેલા હતાં તે ફોટોગ્રાફ લઇ આ ફેક ઇન્સ્ટાગ્રામ એકાઉન્ટમાં પોસ્ટ કરી તેમાં બિભત્સ લખાણ લખી લખવામાં આવ્યું હતું. મહિલાને બદનામ કરવા કરેલા આ કૃત્ય અંગે પોલીસે આઈપી એડ્રેસ સહિતની ટેક્નિકલ તપાસ કરી આરોપી ધ્રુવેશ ઉર્ફે કાનો વિનુભાઇ સભાયા ( ઉ.વ .૨૨ ધંધો - હિરા મજુરી રહે.ઘર નં.177, ધરમનગર સોસાયટી, સુર્યનગર સોસાયટીની સામે, ધરમચોક, એ.કે.રોડ, વરાછા, સુરત મુળ રહે. ગામ- હનુમાનપુર તા. ખાંભા જી.અમરેલી)ની ધરપકડ કરી હતી.

આ પણ વાંચો:- સબંધોનું ખૂન: રાજકોટમાં પુત્ર જ બન્યો પોતાના પિતાનો કાળ, જાણો શા માટે કરી હત્યા

આરોપીની ધ્રુવેશની પુછપરછ કરતા તેને જણાવ્યું હતું કે એક વર્ષ પહેલા તેના ફેસબુક એકાઉન્ટમાં રેન્ડમલી આ મહિલાના ફેસબુક એકાઉન્ટને સર્ચ કર્યું હતું. મહિલાએ અપલોડ કરેલા ફોટોગ્રાફ ડાઉનલોડ કરી પોતે ઇન્સ્ટાગ્રામ પર ફોલોવર્સ વધારવા માટે ઇન્સ્ટાગ્રામમાં મહિલાના નામના ફેક એકાઉન્ટ બનાવી તેમા ફેસબુકમાંથી ડાઉનલોડ કરેલા ફોટોગ્રાફ પોસ્ટ કરી તેમા બિભત્સ લખાણ લખ્યું હતું. આમ સોશિયલ મીડિયા હાલમાં લોકો મારે મુસીબત ભર્યું બન્યું છે, જેનો ઉપયોગ સમજી વિચારીને કરવામાં ન આવે તો મુશ્કેલીમાં મુકાઈ શકે છે.