અમદાવાદ: સેન્ટ્રલ જેલનો વધુ એક કેદી કોરોના પોઝિટિવ, અત્યાર સુધી 12 કેદી અને 4 પોલીસકર્મીને કોરોના

મૌલિક ધામેચા, અમદાવાદ: શહેરની સેન્ટ્રલ જેલના વધુ એક કેદીનો કોરોના રિપોર્ટ પોઝિટિવ આવતા હડકંપ મચ્યો છે. કાચા કામના આરોપીને છાતીમાં દુ:ખાવો થતા સારવાર માટે સિવિલ હોસ્પિટલ ખસેડાયો હતો. 

મળતી માહિતી મુજબ અમદાવાદની સેન્ટ્રલ જેલમાં કાચા કામના એક આરોપીને 3જી મેના રોજ છાતીમાં દુ:ખાવો થતા સારવાર માટે સિવિલ હોસ્પિટલ ખસેડાયો હતો. સારવાર બાદ જેલમાં પર લાવતી વખતે તેનો કોવિડ ટેસ્ટ કરાવવામાં આવ્યો, જે પોઝિટિવ આવ્યો. દરિયાપુર પોલીસે માર્ચમાં જેલમાં મોકલી આપતા કાચા કામના કેદીને સેપરેટ બેરેકમાં રાખવામાં આવ્યો હતો. અત્રે જણાવવાનું કે અત્યાર સુધીમાં સેન્ટ્રલ જેલના 12 કેદીઓ અને 4 પોલીસકર્મીઓ કોરોના પોઝિટિવ આવ્યાં છે. 

જુઓ LIVE TV