અમદાવાદ: GTU ડિપ્લોમાં UG ના વિદ્યાર્થીઓની ઓનલાઇન પરીક્ષાનો પ્રારંભ

અમદાવાદ : ગુજરાત ટેક્નોલોજીકલ યુનિવર્સિટી (GTU) પીજીના તમામ કોર્સની ઓનલાઇન પરીક્ષાનું સફળતાપુર્વક આયોજન કર્યું હતું. જીટીયું દ્વારા ડિપ્લોમાં અને અંડર ગ્રેજ્યુએટ (UG) ના વિદ્યાર્થીઓની પરીક્ષાની શરૂઆત આજે મંગળવારથી કરવામાં આવી છે. પ્રથમ દિવસે જ યુજી અને ડિપ્લોમાં 96.4 ટકા વિવિધ શાખાઓનાં વિદ્યાર્થીઓએ હાજર રહીને ઓનલાઇન પરીક્ષા આપી છે. જેમાં યુજીના  12,980 વિદ્યાર્થીમાંથી 12,521 ડિપ્લોમાના અને 3764 માંથી 3616 અને માસ્ટર્સના 1163 માંથી 1153 વિદ્યાર્થીઓએ ઓનલાઇન પરીક્ષા આપી હતી. 

હાલની સ્થિતીને ધ્યાનમાં રાખીને યુજીસીની ગાઇડ લાઇન પ્રમાણે જીટીયું દ્વારા ઓનલાઇન પરીક્ષાનું આયોજન કર્યું છે. જેને જીટીયુનાં કુલપતિ ડો. નવીન શેઠ અને કુલસચિવ કે.એન ખેર દ્વારા તમામ વિદ્યાર્થીઓને પરીક્ષામાં સફળ થઇને પ્રગતિના પંથે આગળ વધે તે માટે શુભકામનાઓ પાઠવવામાં આવી છે. 

550થી વધારે વિદ્યાર્થીઓએ જીટીયુ હેલ્પલાઇનની મદદથી ટેક્નિકલ અને લોગઇન સંબંધિત અન્ય સમ્યાનું તાત્કાલિક નિરાકરણ મેળવીને સફળતાપુર્વક પરીક્ષા આપી હતી. કેટલાક વિદ્યાર્થીઓ દ્વારા કરવામાં આવેલી ટેક્નિકલ અને આંકડાકીય ભુલોને કારણે પરીક્ષા આપવામાં મોડા પડ્યાં હતા. જીટીયુ તરફથી આ તમામ વિદ્યાર્થીઓને વધારાની 15 મિનિટનો સમય ફાળવાયો હતો. 

એરરના કારણે પરીક્ષા નથી આપી શક્યા તેમને હજુ એક તક આપવામાં આવે. વિદ્યાર્થીઓ દ્વારા કેટલીક નાનકી ભુલો જેવીકે 'ઓ' ના બદલે ઝીરો, ઉદ્ગાર ચિન્હમાં ભુલ વારંવાર જુનો પાસવર્ડ નાખવો જેવી બાબતના કારણે પરીક્ષામાં હાજર ન રહી શક્યા હોય તેમને ફરી એકવાર તક આપવામાં આવશે.