અમદાવાદ: પાણી માગવા ગયેલી મહિલાને નેતાજી તરફથી લાત મળી, જુઓ VIDEO

જાવેદ સૈયદ, અમદાવાદ: અમદાવાદના નરોડા વિસ્તારના ભાજપના ધારાસભ્ય બલરામ થવાણીનો એક મહિલાને માર મારતો વીડિયો હાલ વાઈરલ થઈ રહ્યો છે. આ મહિલા પાણી મુદ્દે રજુઆત કરવા આવી હતી અને તેણે મારનો ભોગ થવું પડ્યું. 

આ તે કેવી વિચિત્રતા... જે જનતા પોતાના પ્રતિનિધિને ચૂંટે તે જ પ્રતિનિધિના હાથે તેમણે માર ખાવાનો વારો આવે. આ અગાઉ બલરામ થવાણીના ભાઈ કિશોર થવાણી પણ પાણીના મુદ્દે કોઈ વ્યક્તિ સાથે મારામારી કરી ચૂક્યા છે. કિશોર થવાણી કુબેરનગર વોર્ડના ભાજપના કોર્પોરેટર છે. કિશોર થવાણી વિરુદ્ધ સરદાર નગર પોલીસમાં અગાઉ અરજી પણ કરવામાં આવેલી છે. કાર્યાલયની બહાર જ મહિલાને માર મારવામાં આવ્યો હતો.