NRI News: સ્ટોરમાં કામ કરતા મહેસાણાના પાટીદાર યુવકની અમેરિકામાં કરપીણ હત્યા, સમગ્ર ઘટના CCTV કેમેરામાં કેદ

તેજસ મોદી/મહેસાણા: વિદેશોમાં હવે ગુજરાતીઓ સુરક્ષિત જણાઈ રહ્યા નથી. કારણ કે થોડા સમય પહેલા ન્યૂઝીલેન્ડમાં એક ગુજરાતી યુવકની હત્યા બાદ અમેરિકામાં ફરી એકવાર ગુજરાતીની હત્યા કરવામાં આવી હતી. અમેરિકામાં મહેસાણાનાં એક યુવકની સ્ટોરમાં ગોળી મારી હત્યા કરી નાંખવામાં આવી છે. હાલ તો બંને હત્યારા આરોપીઓને પોલીસે પકડી પાડયા છે.

આ ઘટના વિશે મળતી માહિતી અનુસાર, અમેરિકામાં મહેસાણાનો એક યુવક સ્ટોરમાં કામ કરતો હતો ત્યારે સ્ટોરમાં કામ કરતા ગુજરાતી યુવકને ગોળી મારી  હત્યા કરાઈ છે. સ્ટોરમાં લૂંટના ઈરાદે ઘૂસેલા બે શખસોએ યુવકની છાતીમાં ગોળી ધરબી દીધી હતી. અમેરિકાના નેસ્વિલના ટેનેસી વિસ્તારમાં આ ઘટના બની હતી.