અમરેલી: સાવરકુંડલાના નેસડી ગામે નદીમાં ન્હાવા પડેલા સગા ભાઇ બહેનનું પિતાની નજર સામે ડુબી જતા મોત

રાજકોટ : અમરેલીના સાવરકુંડલા તાલુકાના નેસડી ગામે સગા ભાઇ બહેન પિતાની નજર સામે જ પાણીમાં ડુબી ગયા હતા. જેથી ફાયર વિભાગ દ્વારા ભાઇ બહેનની શોધખોળ હાથ ધરવામાં આવી છે. ઘટના અંગે જાણ થતા સ્થાનિક તરવૈયાઓ પણ એકત્ર થઇ ગયા હતા અને બંન્નેનાં મૃતદેહ બહાર કાઢવાની તજવીજ હાથ ધરી હતી.

ઘટનાની વિગતે મળતી માહિતી અનુસાર નેસડી ગામમાં રહેતા 2 બાળકો નેસડી અને સમઢીયાળાની સીમમાં રહેતા હતા. નદીમાં નહવા માટે ગયા હતા. જે દરમિયાન ગોપી કાળુભાઇ સરવૈયા (ઉ.વ 12) અને માનવ કાળુભાઇ સરવૈયા (ઉ.વ 10 )પિતાની નજર સામે જ પાણીમાં ગરકાવ થઇ ગયા હતા. 

ઘટનાની જાણ થતા સાવરકુંડલા મામલતદાર, નગરપાલિકાનાં ફાયર વિભાગને જાણ કરવામાં આવી હતી. હાલ બંન્ને બાળકોની શોધખોળ ચાલી રહી છે. સ્થાનિક તરવૈયાઓની મદદથી શોધખોળ ચલાવાઇ રહી છે. અત્રે ઉલ્લેખનીય છે કે, નજર સામે જ બાળકો ડુબી જતા પિતાની સ્થિતી ખુબ જ આધાતજનક થઇ છે.