ખેડૂતોને દેવદિવાળી ફળી, કૃષિ કાયદો રદ ગુજરાતના ખેડૂતોએ ફટાકડા ફોડીને ખુશી વ્યક્ત કરી

દેશમાં લાગુ કરાયેલા ત્રણ કૃષિ કાયદા (Farm law) રદ્દ કરાયાની પ્રધાનમંત્રી મોદી (Narendra Modi) એ રાષ્ટ્રજોગ સંબોધનમાં જાહેરાત કરી છે. તેમણે સંબોધનમાં કહ્યું કે, ખેડૂતોના કલ્યાણ માટે પૂરી સત્યનિષ્ઠાથી કાયદો લાવ્યા. પરંતુ ખેડૂતો માટેની પવિત્ર, ખેડૂતોના હિતની વાત ન સમજાવી શક્યા. હું દેશવાસીઓ પાસે ક્ષમા માગું છું. અમારી તપસ્યામાં કોઈ કમી હતી.’ ત્યારે મોદી સરકારે દેવ દિવાળીએ ખેડૂતો (Farmers Protest) ને મોટી ભેટ આપી છે. તો બીજી તરફ, પ્રધાનમંત્રી મોદીના નિર્ણયને ગુજરાતના ખેડૂત સંગઠનોએ આવકાર્યો છે. કૃષિ કાયદા ખેંચવા બદલ સુરતના ખેડૂતોએ ફટાકડા ફોડી ઉજવણી કરી.