સરકારના આ નિર્ણયથી લાખો યુવાઓનું ભવિષ્ય બનશે, હવે ગુજરાતી ભાષામા આપી શકાશે કોન્સ્ટેબલની પરીક્ષા

Constable Exam Update: પ્રધાનમંત્રી નરેન્દ્ર મોદીના નેતૃત્વમાં એક ઐતિહાસિક નિર્ણય અંતર્ગત ગૃહ મંત્રાલયે સીએપીએફ (CAPFs) માટે હિન્દી અને અંગ્રેજી ઉપરાંત 13 ક્ષેત્રીય ભાષાઓમાં કોન્સ્ટેબલની પરીક્ષા યોજવાના નિર્ણયને મંજૂરી આપી દીધી છે. આ નિર્ણય ગૃહમંત્રી અમિત શાહની પહેલ પર સીએપીએફમાં સ્થાનિક યુવાઓની ભાગીદારી વધારવા અને ક્ષેત્રીય ભાષાઓને પ્રોત્સાહન આપવા નિર્ણય લેવાયો છે. 

આ નિર્ણય મુજબ, પ્રશ્ન પત્રી હિન્દી અને અંગ્રેજી ઉપરાંત, આસામિયા, બંગાળી, ગુજરાતી, મરાઠી, મલયાલમ, કન્નડ, તેલુગુ જેવી ભાષાઓમાં તૈયાર કરવામા આવશે. તે અંતર્ગત લાખો ઉમેદવારો પોતાની માતૃભાષા અને ક્ષેત્રીય ભાષામાં પરીક્ષામાં ભાગ લઈ શકશે, જેનાથી તેમની પસંદગીની તક વધી જશે. 

ભુપેન્દ્ર પટેલે આભાર માન્યો 
આ વિશે ગુજરાતના મુખ્યમંત્રી ભુપેન્દ્ર પટેલે આભાર વ્યક્ત કરતા કહ્યું કે, CAPFની પરીક્ષા ગુજરાતી સહિત ૧૩ પ્રાદેશિક ભાષાઓમાં પણ લેવાના સ્તુત્ય નિર્ણય બદલ પ્રધાનમંત્રી નરેન્દ્ર મોદી, કેન્દ્રીય ગૃહમંત્રી અમિત શાહનો આભાર વ્યક્ત કરું છું. આ થકી, પ્રાદેશિક ભાષાઓને પ્રોત્સાહન તેમજ રાજ્યના અનેક યુવાનોને દેશસેવામાં જોડાવાની તક મળશે.