લીંબડી બેઠક માટે ભાજપ-કોંગ્રેસમાં ‘પહેલે આપ, પહેલે આપ’ જેવી સ્થિતિ, હજી કોકડું ગૂંચવાયેલું

ગૌરવ પટેલ/અમદાવાદ :ગુજરાત વિધાનસભાની 8 બેઠકોની પેટાચૂંટણી (gujarat byelection) યોજાવાની છે. ત્યારે ભાજપે 8 માંથી 7 બેઠક પર ઉમેદવારોની જાહેરાત કરી છે. તો કોંગ્રેસે 5 બેઠક માટે ઉમેદવારના નામ જાહેર કર્યા છે. આવામાં બંને પક્ષોએ લીંબડી બેઠક ( limbdi) માટે હજી કોઈ પણ ઉમેદવારની જાહેરાત કરી નથી. બંને પક્ષો  માટે આ બેઠક પર કોકડુ ગૂંચવાયેલું છે. લીંબડી વિધાનસભા બેઠક માટે કોંગ્રેસ-ભાજપની મૂંઝવણ વધી છે. બંને રાજકીય પાર્ટીઓ ક્ષત્રિય-કોળી પટેલના રાજકીય ગણિતમાં અટવાઈ છે. બંને રાજકીય પાર્ટી કોને ટિકિટ આપવી એને લઇ મોટી મૂંઝવણમાં છે. ભાજપ ઉમેદવારની જાહેરાત બાદ કોંગ્રેસ જ્ઞાતિ સમીકરણ મુજબ નામ જાહેર કરશે. ભાજપમાં અગાઉ કિરીટસિંહ રાણાનું નામ ચર્ચામાં હતું. જોકે ભાજપે લીંબડી બેઠક સિવાયના તમામ નામોની જાહેરાત કરી છે. પરંતુ લીંબડી બેઠક માટે ભાજપ-કોંગ્રેસમાં ‘પહેલે આપ, પહેલે આપ’ જેવી સ્થિતિ છે. 

આ પણ વાંચો : રાજકોટ લોધિકા સંઘની ચૂંટણીમાં મોટું પરિવર્તન, ભાજપના ડખા વચ્ચે કોંગ્રેસે મેદાન માર્યું  

મેં ટિકિટ માંગી નથી - હીરા સોલંકી
લીંબડી બેઠક અંગે જે નામની ચર્ચા ચાલી રહી છે, ત્યારે હીરા સોલંકીએ આ અંગે નિવેદન આપ્યું કે, મેં કોઇ ટિકિટ માંગી નથી. પાર્ટી જેને ટિકિટ આપશે તેને જીતાડીશું. સમાજનું પ્રભુત્વ લીંબડી બેઠક પર છે. જેની લાગણી પણ હોય પણ પાર્ટી જેને ટીકીટ આપશે તેને જીતાડીંશું. અમારે સમાજ પાર્ટીએ આપેલા ઉમેદવારને જીતાડશે. 

કોંગ્રેસ હજી રાહ જુઓની સ્થિતિમાં...
કોંગ્રેસ લીંબડી બેઠક પર કોળી નેતાની પસંદગી કરશે. જેમાં સૂત્રોના જણાવ્યા અનુસાર, કલ્પના મકવાણા કે જેરામ મેણીયાને ચૂંટણી મેદાનમાં ઉતારી શકે તેવી શક્તયા છે. લીંબડી વિધાનસભા મત વિસ્તારમાં કોળી મતદારોનું પ્રભુત્વ હોવાથી કોંગ્રેસ આ નેતાઓ પર પસંદગી કરી શકાય છે. 

આ પણ વાંચો : કરીના-અનુષ્કા બાદ હવે આ એક્ટ્રેસ પણ છે પ્રેગનેન્ટ, આપ્યા Good News!