સુરત અગ્નિકાંડના રિયલ હીરોને સંકટ આવી પડતા ભાજપે કરી મોટી મદદ

ચેતન પટેલ/સુરત :તક્ષશિલા અગ્નિકાંડના રિયલ હીરો જતીન નાકરાણી, જેણે અનેત વિદ્યાર્થીઓના જીવ બચાવ્યા હતા, તે હાલ પથારીવશ છે, હાલત દયનીય છે. તેઓ કોમામાં સરી પડ્યા હતા, જેના બાદ તેઓ બહાર તો આવ્યા, પરંતુ હાલ પેરાલિસીસ સામે ઝઝૂમી રહ્યા છે. ત્યારે તેમની આ આર્થિક સ્થિતિમા ભાજપે મોટી મદદ કરી છે. પરિવારે મદદની અપીલ કરતા ભાજપ દ્વારા 5 લાખની સહાય કરવામાં આવી છે.  

સુરતના બજરંગ રો હાઉસ વિભાગ-2 માં જતીન નાકરાણીનું ઘર આવેલું છે. જે ઘર બેંક લોન હેઠળ છે. સુરતની સૌથી મોટી આગ હોનારત તક્ષશિલા અગ્નિકાંડમાં લોકોના જીવ બચાવવા તેમણે પોતાના જીવ જોખમમાં મુક્યો હતો, અને આજે જતીનની હાલત ગંભીર બની છે. જતીનની આંખનું ઓપરેશન પણ કરાવવાનું છે. સાથે સાથે બેંક લોન પર ઉભી છે. ત્યારે બેંક દ્વારા ઘરને નોટિસ આપવામાં આવી છે. ઘરના બહાર બેંક દ્વારા નોટિસ ચોંટાડી દેવામાં આવી છે. ત્યારે પરિવારજનો મિત્રા વર્તુળ દ્વારા પણ જતીનની મદદ માટે અભિયાન ચલાવવામાં આવી રહી છે. જેને પગલે આજે ભાજપ પ્રદેશ પ્રમુખ દ્વારા જતીનના ખબર અંતર પૂછી તેને ચાર લાખની સહાય કરવામાં આવી છે. ત્યારે આવી મોટી દુર્ઘટનામાં પોતાના જીવ જોખમમાં મૂકી લોકોના જીવ બચાવનારને વધુમાં વધુ લોકો સહાય કરે તેવી અપીલ કરવામાં આવી રહી છે.

આ પણ વાંચો : ગુજરાતમાં વધુ એક પેપરલીક ; PGVCL જુનિયર આસિસ્ટન્ટ પરીક્ષામાં સીલ તૂટેલા નીકળ્યા