સંઘપ્રદેશ દમણને લાગ્યુ કોરોનાનું ગ્રહણ; રાત્રે 11 વાગ્યા પછી કર્ફ્યૂ, હોટલોએ બુકિંગ લેવાનું ટાળ્યું, જાણો મહત્ત્વપૂર્ણ વિગત

ઝી બ્યુરો/વલસાડ: કેન્દ્રશાસિત પ્રદેશ દમણ લિકર ફ્રી પ્રદેશ હોય, ત્યારે દર વર્ષે ગુજરાતના હજારો પ્રવાસીઓ વર્ષના અંતિમ દિવસ એટલે કે 31st નાઈટ પાર્ટીની(31st New Year Party Daman 2021) મજા માણવા દમણમાં પધારે છે. દમણમાં આ વર્ષે પ્રશાસન (Daman administration) દ્વારા 31stને ધ્યાને રાખી રાત્રીના 11 વાગ્યા બાદ નાઈટ કરફ્યુ (Night curfew) અમલમાં મુકાયો છે. સમય મર્યાદાને કારણે 12 વાગ્યે નવા વર્ષને વેલકમ કરવા યોજાતી પ્રચલીત DJ નાઈટ પાર્ટી પર ગ્રહણ લાગ્યું છે. હોટેલ સંચાલકોએ કોવિડ ગાઈડલાઈનને (Covid Guideline) પગલે પ્રવાસીઓનું બુકિંગ લેવાનું માંડી વાળી સીમિત આયોજન સાથે જ ઉજવણી કરવી પડશે તેવી જાહેરાત કરી છે.

દર વર્ષે વર્ષના અંતિમ દિવસને વિદાય આપવા અને નવા વર્ષને આવકારવા પ્રવાસન સ્થળ દમણની હોટેલોમાં (Daman Hotels) પ્રવાસીઓનું ઘોડાપુર ઉમટી પડે છે. 31st નાઈટ પાર્ટીમાં (31st New Year Party Daman 20201) શરાબ, સી-ફૂડ, વેજ-નોનવેજ વાનગીઓની લિજ્જત અને DJના તાલે ઝૂમવા આવતા પ્રવાસીઓ આ દિવસોમાં 2 કે 3 દિવસના પ્રવાસે આવે છે.

31st New Year Party Daman 2021: દમણમાં 31st ન્યુ યર પાર્ટી પર નાઈટ કરફ્યુનું ગ્રહણ, હોટેલ સંચાલકોમાં ચિતાલોકોની નાઈટ કરફ્યુમાં ફેરફાર થાય તેવી સરકાર પાસે આશા આ વખતે દમણની હોટેલોમાં 31st નાઈટ પાર્ટીના આયોજન અંગે કોવિડ ગાઈડલાઈનના (Covid Guideline) કારણે અસમંજસ ભરી સ્થિતિનું નિર્માણ થતા હોટેલ સંચાલકો અને પ્રવાસીઓ પ્રશાસનની નાઈટ કરફ્યુ (Night curfew) ગાઈડલાઈનમાં ફેરફર થાય તે માટે કાગડોળે રાહ જોઈ રહ્યા છે. દમણમાં 31st DJ નાઈટ પાર્ટીનું આયોજન મુલત્વી રખાયું છે. 

સંઘપ્રદેશ દમણમાં દર વર્ષે ગુજરાતના સુરત, અમદાવાદ, વડેદરા જેવા જિલ્લાઓમાંથી અને મહારાષ્ટ્ર જેવા પાડોશી રાજ્યોમાંથી પ્રવાસીઓ 31st નાઈટ પાર્ટીની મજા માણવા પહોંચતા હોય છે. 31st નાઈટ પાર્ટીની પૂર્વ તૈયારીના ભાગરૂપે દમણની તમામ હોટેલમાં પણ વિશેષ આયોજન કરવામાં આવે છે. આ ઉપરાંત અનેક વેરાયટીસભર વાનગી સાથે અન્ય સુવિધાની ઓફર કરતા પેકેજની જાહેરાત કરવામાં આવે છે. હોટેલોને રંગબેરંગી રોશનીથી શણગારી, વર્ષના અંતિમ દિવસ નિમિતે 12 વાગ્યા સુધી DJના તાલે પ્રવાસીઓ ઝૂમી શકે તેવો પ્રબંધ કરવામાં આવે છે.

દમણમાં રાત્રીના 11 વાગ્યાથી નાઈટ કરફ્યુ અમલમાં છે. દમણમાં આ વખતે 31st નાઈટ પાર્ટીના તમામ આયોજનો પર બ્રેક લાગી છે. તેનું કારણ છે, દમણ પ્રશાસન દ્વારા કોરોના મહામારીને ધ્યાને રાખી રાત્રીના 11 વાગ્યા બાદ કર્ફ્યૂ જાહેર કરવામાં આવ્યો છે. એટલે હોટેલોમાં પણ 12 વાગ્યા સુધી થતી DJ પાર્ટી અને લિકર, વેજ નોનવેજ વાનગીઓનું આયોજન કરવાનું હોટેલ સંચાલકોએ ટાળ્યું છે. હોટેલ સંચાલકોનું કહેવું છે કે, પ્રસાશનની ગાઈડલાઈન મુજબ 12 વાગ્યે પાર્ટી કરવી શક્ય નથી આ સાથે વધુ પ્રવાસી એકઠા કરવા પણ શક્ય નથી. એટલે આ વર્ષે 11 વાગ્યા સુધી જ હોટેલમાં આવેલા પ્રવાસીઓ માટે લાઈટ, મ્યુઝિક અને ખાણી-પીણીની વ્યવસ્થા કરી છે. પ્રવાસીઓ અહીં ફરવાની સાથે છપ્પન ભોગનો સ્વાદ લે છે. દમણમાં વર્ષના અંતિમ સપ્તાહમાં આવતા પ્રવાસીઓ દેવકા બીચ પર અને મોટી દમણ લાઈટ હાઉસ, જામપોર બીચ પર દરિયા કિનારે ફરી યાદગાર ક્ષણ બનાવે છે આ સાથે અહીંની પોર્ટુગીઝ ધરોહરને નજરો નજર જુવે છે અને જે તે હોટેલમાં રોકાણ કરી શરાબ, સી-ફૂડ વાનગીઓનો રસ લે છે.