રાયડા કૌભાંડમાં પગ નીચે રેલો આવતા લાંચિયો અધિકારી પહોંચ્યો ખેડૂતના ઘરે, જુઓ પછી શું કર્યું
મહેસાણાના ખેરાલુ માર્કેટયાર્ડમાં ખેડૂતો દ્વારા રાબેતા મુજબ પોતાનો માલ લઇને આવ્યા હતા. પરંતુ નિગમના અધિકારીએ સેમ્પલ લેવા મામલે 1 હજારની લાંચ માગી હતી. જ્યારે ખેડૂતે આ સમગ્ર મામલે વીડિયો બનાવીને મીડિયાને જાણ કરી હતી
તેજસ દવે/મહેસાણા :ભારત ખેતીપ્રધાન દેશ હોવા છતાં, ભારતનો ખેડૂત હંમેશા બિચારો અને બાપડો જ હોય છે. મહેનત કરવા છતાં તેને યોગ્ય વળતર મળતુ નથી. આવક અને સરકારી યોજનાઓનો લાભ મેળવવા મામલે તે હંમેશાથી હાંસિયામાં ધકેલાયેલો હોય છે. તેમાં પણ યોજનાનો લાભ લેવાના મામલે સરકારી અધિકારીઓ લાંચ માટે મોટુ મોઢું ખોલે છે. આવામાં ગુજરાતમાં બહુચર્ચિત ખેરાલુ રાયડા કૌભાંડમાં મોટો વળાંક આવ્યો છે. ખેડૂત પાસે સેમ્પલ પાસ કરાવવા મામલે લાંચ માંગનાર સરકારી અધિકારીને સમાધાન કરવા માટે ખેડૂતને આજીજી કરવી પડી હતી. જેનો વીડિયો સામે આવ્યો છે.
આસારામ-સાંઈની લાલ ટોપી અને કાજળ પાછળ છુપાયું છે તંત્રમંત્રનું મોટું રહસ્ય
આજીજી કરતો સરકારી બાબુ કેમેરામાં કેદ
બન્યું એમ હતું કે, મહેસાણાના ખેરાલુમાં રાયડાની ટેકાના ભાવે ખરીદી કરવામાં આવી રહી છે. મહેસાણાના ખેરાલુ માર્કેટયાર્ડમાં ખેડૂતો દ્વારા રાબેતા મુજબ પોતાનો માલ લઇને આવ્યા હતા. પરંતુ નિગમના અધિકારીએ સેમ્પલ લેવા મામલે 1 હજારની લાંચ માગી હતી. જ્યારે ખેડૂતે આ સમગ્ર મામલે વીડિયો બનાવીને મીડિયાને જાણ કરી હતી.
આસારામ-સાંઈનું કરોડોનું છે સામ્રાજ્ય, પણ બાપ-દીકરા બંને જેલમાં
અગાઉ આક્ષેપ નકાર્યો હતો
1000 રૂપિયાની લાંચ લેવાનો મામલો ખૂલતા અગાઉ અધિકારીને આ અંગે પૂછાયુ હતું તો તેણે કહ્યું કે, આ આક્ષેપ ખોટા છે અને કોઈ પણ રૂપિયા માંગવામાં નથી આવ્યા. તેમ કહી પોતાનો લુલ્લો બચાવ કર્યો હતો. ઉલ્લેખનીય છે કે, ગુજરાતમાં ટેકાના ભાવે ખરીદાતા અનાજમાં મોટા મોટા કૌભાંડો ખૂલી રહ્યાં છે. પહેલા મગફળી, એરંડો, તુવેર બાદ હવે રાયડામાં પણ કૌભાંડોની શંકા સેવાઈ રહી છે.