કપાસની ખરીદી પર ડભોઈના MLA શૈલેષ મહેતાએ ઉઠાવ્યાં સવાલ

ચિરાગ જોષી, ડભોઈ: ગુજરાત સરકાર દ્વારા ખેડૂતોને કપાસના પોષણક્ષમ ભાવ મળે તે માટે સીસીઆઈના નેજા હેઠળ ટેકાના ભાવથી ખરીદી કરવામાં આવે છે જેમાં ચાલુ વર્ષે સીસીઆઈ ના અધિકારીઓ દ્વારા કરોડો રૂપિયાની ખેડૂતો સાથે છેતરપિંડી કરવાનો આક્ષેપ ડભોઈના ધારાસભ્ય શૈલેશ મહેતાએ કરતા વાતાવરણ ગરમાયું હતું એટલું જ નહીં સમગ્ર કૌભાંડની ઓડિયો ક્લિપ પોતાના પાસે હોવાનો પણ દાવો કર્યો.

હાલ રાજ્ય સરકાર દ્વારા 5085ના ટેકાના ભાવથી રાજ્ય સરકારના નેજા હેઠળ ચાલતી સીસીઆઈ દ્વારા પુરા ગુજરાતભરમાં કપાસની ખરીદી કરવામાં આવે છે, આ ખરીદી તમામ એપીએમસી તેમજ સરકાર દ્વારા નિમાયેલી કપાસની જીનો પર વહેલી સવારથી જ ખરીદી શરૂ કરવામાં આવે છે, ત્યારે ડભોઈના ધારાસભ્ય શૈલેશ મહેતા દ્વારા એક ચોંકાવનારો ખુલાસો કરવામાં આવ્યો છે, જેમાં વડોદરા જિલ્લામાં મોટાપાયે ખેડૂતોને ઉલ્લુ બનાવી તેમના કપાસ નું કટિંગ કરવામાં આવે છે. જેને લઇ કરોડો રૂપિયાના કૌભાંડની આશંકા શૈલેષ મહેતાને લાગી રહી છે.

એટલું જ નહીં હાલ પુરા ગુજરાતભરમાં કોરોનાનો કહેર ચાલી રહ્યો છે અને ખેડૂતો પાયમાલ થઈ રહ્યો છે કારણ કે ચાલુ સાલે એક બાજુ માંવઠા નો માર અને બીજી બાજુ આ અધિકારીઓ દ્વારા પોતાની ખોટી વૃત્તિથી ખેડૂત પિસાતો નજરે પડે છે એટલું જ નહીં ધારાસભ્ય શૈલેશ મહેતા દ્વારા સીસીઆઈના ઉચ્ચ કક્ષાના અધિકારીઓને પણ આ વાતનું ધ્યાન દોર્યું છે અને તાત્કાલિક અસરથી વિજિલન્સ તપાસ આ ભ્રષ્ટ અધિકારીઓ વિરુદ્ધ કરવાની માંગ કરી છે.

જુઓ LIVE TV