ઢબુડીમાતાને પંચમહાલ જિલ્લામાંથી પણ મળ્યો ખુલ્લો પડકાર, 1 કરોડની ઓફર

પંચમહાલઃ પંચમહાલ જિલ્લામાં અંધશ્રદ્ધા નિવારણનું કામ કરતી સંસ્થાએ કહ્યું કે, જો ઢબુડી માતા ચમત્કાર સાબિત કરી બતાવે તો તેઓ તેને રૂ.1 કરોડ રોકડા આપશે અને તેની વાજતે-ગાજતે શોભાયાત્રા પણ કાઢશે. સંસ્થાએ પોતાના લેટરપેડ પર આ પડકાર આપતી જાહેરાત કરી છે. 

તાજેતરમાં જ 25 ઓગસ્ટના રોજ ઢબુડી માતાનો મહીસાગરના લિમડિયા ચોકડી પાસે ગાદી દર્શનનો એક પ્રોગ્રામ હતો. એ સમયે પંચમહાલ જિલ્લામાં અંધશ્રદ્ધા નિવારણનું કાર્ય કરતી હ્યુમેનિસ્ટ રેશનાલિસ્ટ એસોસિએશન નામની સંસ્થાએ જાહેરાત કરી હતી. સંસ્થાની જાહેરાત પછી ઢબુડી માતાએ એ કાર્યક્રમ રદ્દ કર્યો હતો.