ગુજરાતના મોસ્ટ ફેવરિટ બીચ પર બની મોટી દુર્ઘટના, પેરાશૂટમાંથી નીચે પટકાયો યુવક

Dwarka News : હાલ રાજ્યભરમાં દિવાળી વેકેશન ચાલી રહ્યું છે. જેને પગલે ગુજરાતના મોટાભાગના ટુરિઝમ સ્પોટ હાઉસફુલ થઈ ગયા છે. ફરવાલાયક સ્થળો પર પ્રવાસીઓની ભીડ ઉમટી પડી છે. આવામાં દ્વારકાના ફેમસના શિવરાજપુર બીચ પર મોટી દુર્ઘટના સર્જાઈ હતી. એક યુવક પેરાશૂટમાંથી નીચે પટકાયો હતો. જોકે, તેને સામાન્ય ઈજા થતા મોટી જાનહાનિ ટળી હતી. 

યુવકનો જીવ બચ્યો 
પ્રાપ્ત માહિતી અનુસાર, શિવરાજપુર બીચ હાલ સહેલાણીઓથી ભરાઈ ગયો છે. હાલ બીચ પર મોટી સંખ્યામાં લોકો છે. આવામાં સ્પોર્ટસ રાઈડમાં એક અકસ્માત બન્યો હતો. બીચ પર પેરાશૂટમાંથી એક યુવક નીચે પટકાયો હતો. સદનસીબે યુવકને કોઈ જાનહાનિ થઈ ન હતી. તેને માત્ર સામાન્ય ઈજાઓ પહોંચી હતી. પરંતુ આ ઘટનાથી પ્રવાસીઓ ગભરાઈ ગયા હતા.