એકદમ ટ્રાફિકવાળા હાઇવે પર LPG ભરેલા ટેન્કરમાં લાગી આગ, પછી...

મુસ્તાક દલ, જામનગર : સોમવારે મોડીરાત્રે જામનગર નજીક હાઇવે પર LPG ભરેલા ટેન્કરમાં આગનો બનાવ બન્યો હતો. મોરકંડા પાસે હાઇવે પર બ્લૂટેન ભરેલા LPG ટેન્કરમાં એકાએક આગ લાગતા અફરાતફરી સર્જાઈ હતી. હાઈવે પર જ ટેન્કરમાં આગ લાગતા થોડા સમય માટે ચક્કાજામ સર્જાયો હતો. આગના બનાવમાં ટેન્કરના ટાયરમાં પણ બ્લાસ્ટ થયા હતા.

આ ઘટનાની જાણ થતાં જ ફાયર ફાઈટરોની ટીમ ઘટનાસ્થળે પહોંચી હતી અને આગને કાબૂમાં લઈને વાહન વ્યવહાર ફરી શરૂ કરાવ્યો હતો આ સંજોગોમાં જો આ આગ વધારે પ્રસરી હોત તો મોટી દુર્ઘટના સર્જાવાની પણ શક્યતા હતી. જોકે ફાયર ફાઈટરોની સતર્કતાના કારણે આ દુર્ઘટના ટળી ગઈ છે.