આણંદ: ખંભાતમાં કેમિકલ ફેક્ટરીમાં આગ ફાટી નીકળી, ફાયરની 3 ગાડી ઘટના સ્થળે

ખંભાત: આણંદ જિલ્લાના ખંભાતમાં આવેલી એક કેમિકલ ફેક્ટરીમાં ભીષણ આગ ફાટી નીકળી છે. જાણ થતા જ ફાયર બ્રિગેડની 3 ગાડીઓ ઘટનાસ્થળે પહોંચી ગઈ છે. કોઈ જાનહાનિના સમાચાર નથી. 

મળતી માહિતી મુજબ ખંભાત પાસેના કલમસર જીઆઈડીસીમાં જય કેમિકલમાં ભીષણ આગ લાગી છે. આગ લાગવાના સમાચાર મળતા જ ફાયર બ્રિગેડની 3 ગાડીઓ આણંદ ફાયર સ્ટેશનથી ઘટના સ્થળ માટે રવાના થઈ. કલમસર ગામમાં જય કેમિકલ પ્લાન્ટના એચ પ્લાન્ટમાં આ આગ લાગી છે.