હજારો દિવડા અને રંગબેરંગી લાઈટથી ગુજરાતનું આ મંદિર રોશનીથી ઝળહળી ઉઠ્યું! ભક્તોમાં આનંદ

રઘુવીર મકવાણા/બોટાદ: ગઢડા BAPS મંદિર રોશનીથી અને દિવડાઓથી ઝળહળી ઉઠયું. ગઢડા શહેરમાં ઘેલો નદિના કાંઠે આવેલા BAPS મંદિર ને દિવાળીના પર્વ નિમિત્તે અલગ અલગ લાઈટ ડેકોરેશન થી શણગાર કરાયો છે તેમજ મંદિર પરીસરમા દીવડાઓ કરી દિવાળી પર્વની ઉજવણી કરાઈ રહિ છે. ત્યારે આ અદભૂત રોશનીના આકાશી દ્રશ્યો સામે આવ્યા છે.

દેશમાં ધામધૂમથી દિવાળી પર્વની ઉજવણી કરવામાં આવી રહી છે. રાજ્યના તમામ ધાર્મિક સ્થળો ને રંગબેરંગી લાઈટ ડેકોરેશન થી શણગાર કરવામા આવી રહ્યો છે. તેમજ અલગ અલગ ધાર્મિક કાર્યક્રમો યોજાઈ રહ્યા છે ત્યારે ગઢડા BAPS મંદિર હજ્જારો દિવડા અને લાઈટ ડેકોરેશન થી ઝળહળી ઉઠયું છે. 

ગઢડા શહેરમાં ઘેલો નદિના કાંઠે આવેલા BAPS મંદિરે ધામધૂમથી દિવાળીની ઉજવણી કરવામાં આવી રહી છે. મંદિરે મહાઆરતી, ચોપડા પૂજન,અન્નકુટ સહિતનાં ધાર્મિક કાર્યક્રમો યોજાઈ રહ્યા છે ત્યારે મંદિર પરીસરમા તેમજ મંદિરના ગર્ભગૃહમાં હજ્જારો દિવડાઓ પ્રગટાવ્યા છે તેમજ આખા મંદિરનેઅલગ અલગ લાઈટ ડેકોરેશન કરવામાં આવ્યું છે જેથી BAPS મંદિર રોશનીથી ઝળહળી ઉઠયું છે ત્યારે મોટી સંખ્યામાં ભક્તો દર્શને આવે છે તેમજ રોશની જોઈને આનંદીત થઈ રહ્યાં છે.