ગેનીબેને કોંગ્રેસને ચોખ્ખા શબ્દોમાં સંભળાવી દીધું : મારો સાગો ભાઈ પણ પાર્ટી વિરુદ્ધ કામ કરે તો....

Gujarat Lok Sabha Election Result : બનાસની બેને એકલા હાથે ભાજપને પછડાટ આપી છે. એકમાત્ર ગેનીબેન ઠાકોરની જીતને કારણે ગુજરાતનું લોકસભા ચૂંટણીનું પરિણામ ચર્ચામા આવ્યું છે. ત્યારે કોંગ્રેસના ગેનીબેન ઠાકોરે જીત માટે જિલ્લાના તમામ મતદાતાઓનો આભાર માન્યો હતો. બહાર રહેતા લોકોને મતદાન કેન્દ્ર સુધી લાવી મતદાન કરાવનાર લોકોનો આભાર માન્યો હતો. સાથે જ તેમણે બનાસકાંઠાની જનતાને વિશ્વાસ અપાવતા કહ્યું હતું કે, પાર્ટીના વિરોધમાં  કોઈપણ કે મારો સાગો ભાઈ કામ કરે તો મેં કયારેય લેટ ગો ની ભાવના રાખી નથી.

30406 વોટથી ગેનીબેનનો વિજય 
બનાસકાંઠામાં કોંગ્રેસના ગેનીબેન ઠાકોરનો 30,406 મતોથી પ્રચંડ વિજય થયો હતો. કોંગ્રેસના ગેનીબેન ઠાકોરને 6,71,883 મત મળ્યા હતા. તો સામે ભાજપના રેખાબેન ચૉધરીને 6,41,477 મત મળ્યા હતા. આમ, કોંગ્રેસના ગેનીબેન ઠાકોરે ભાજપના રેખાબેન ચૌધરીને 30,604 મતોથી માત આપી હતી.