પ્રાણીઓનાં પ્રેમની અદભૂત એકતાની ઘટના બની, ખુંટીયાએ ગૌવંશને સિંહના શિકારથી બચાવી

Gir Forest : ગીરના જંગલમાં એક એકથી ચઢિયાતી અદભૂત ઘટનાઓ બનતી હોય છે. ગીર જંગલ એ અલૌકિક નજારાથી ભરેલું છે. અહીં અનેક જંગલી પ્રાણીઓ છે, જે શિકારની શોધમાં એક જગ્યાએથી બીજી જગ્યાએ ભટકતા હોય છે. પરંતું આ પ્રાણીઓમાં એકતા પણ છે. જેનો પુરાવો આપતી વધુ એક ઘટના બની છે. પ્રાણીઓનાં પ્રેમની અદભૂત એકતાની ઘટના સામે આવી છે. જુનાગઢના માંગરોળમાં એક ખુંટીયાએ ગાયને સિંહના શિકારથી બચાવી હતી. 

જૂનાગઢના  માંગરોળના શેરીયાજ બારાની અદભૂત ઘટના સામે આવી છે. ગૌવંશને બે સિંહોનાં મુખમાંથી એક ખુંટીયાએ છોડાવ્યો હતો. સિંહોના ટોળાએ શિકાર કરવા ખુંટીયા પર હુમલો કરી રહ્યા હતા. ત્યાં અચાનક જ તેનો સાથી અન્ય ખુંટીયો આવી જતા બંનેએ સિંહોને ભગાડ્યા હતા.