મહા વાવાઝોડાને કારણે અટકેલી મગફળી-ડાંગરની ટેકાના ભાવની ખરીદી આજથી શરૂ કરાશે

અમદાવાદ :મહા વાવાઝોડાની મહા અસર ( Maha cyclone) ને પગલે રાજ્યભરમાં ટેકાના ભાવે મગફળી અને ડાંગરની ચાલી રહેલી ખરીદીને રોકવામાં આવી હતી. વાવાઝોડા સાથે વરસાદ ત્રાટકતાં ખરીદી બંધ રાખવાની સીએમ વિજય રૂપાણી (Vijay Rupani) એ 2 નવેમ્બરના રોજ જાહેરાત કરી હતી. જેના બાદ આજથી રાજ્ય (Gujarat Government) માં ટેકાના ભાવે મગફળી (Ground Nut) અને ડાંગરની ખરીદી શરૂ કરાઈ છે. 30 જાન્યુઆરી સુધી ગુજરાતના 145 સેન્ટર પર ખરીદી ચાલશે.  

આજથી બીજા તબક્કામાં રૂપાણી સરકાર ખેડૂતો પાસેથી ટેકાના ભાવે મગફળી અને ડાંગરની ખરીદી કરશે. કમોસમી વરસાદ બાદ નવી શરૂઆત થશે. રાજ્ય સરકાર પ્રતિ મણે 1018 ભાવે ખરીદી કરશે. ટેકાના ભાવે મગફળીની ખરીદી અન્ન પુરવઠા વિભાગ કરશે. 30 જાન્યુઆરી સુધી મગફરીની ખરીદી કરવામાં આવશે. જેમાં ગુજરાતના 145 સેન્ટર ખાતે મગફળીની ખરીદી કરશે. સરકારનો દાવો છે કે ખરીદીનું પેમેન્ટ ખેડૂતોને સમયસર મળી જશે. ખેડૂતોને SMSથી પણ જાણકારી આપવામાં આવશે. APMC સેન્ટર પર ટેકાના ભાવે મગફળીની ખરીદી કરાશે. રજિસ્ટ્રેશન કરેલા ખેડૂતોને મોબાઈલ પર મેસેજ મળશે. ખેડૂતને આ મેસેજમાં તારીખ અને સેન્ટર આપવામાં આવશે. ખેડૂતોએ જે તે તારીખ અને
સેન્ટર પર જવાનુ રહેશે.