Gujarat Election 2022: આજે PM મોદીની ત્રણ, રાહુલની બે સભાઓ, કેજરીવાલનો રોડ શો, ગુજરાતમાં પ્રચંડ પ્રચાર

ઝી બ્યૂરો, અમદાવાદઃ ગુજરાત વિધાનસભાની ચૂંટણીઓને પગલે હવે બરાબર રાજકીય માહોલ જામ્યો છે. આજે ગુજરાતમાં પ્રચંડ ચૂંટણી પ્રચાર જોવા મળશે. કારણકે, આ વખતે ભાજપ-કોંગ્રેસ ઉપરાંત આમ આદમી પાર્ટી પણ મેદાનમાં હોવાથી તમામ બેઠકો પર ત્રિ-પાંખિયો જંગ લડાશે. ત્યારે પ્રચાર-પ્રસાર પણ એ જ પ્રકારે બમણો થઈ જશે. આજે પ્રધાનમંત્રી મોદી ભાજપનું કમળ ખિલવવા માટે ગુજરાતમાં સુરેન્દ્રનગર, જંબુસર અને નવસારીમાં સભાઓ ગજવશે. જ્યારે કોંગ્રેસને બેઠી કરવા માટે રાહુલ ગાંધી આજે સુરતમાં અને રાજકોટમાં રેલી કરશે. આ ઉપરાંત ગુજરાતમાં પગ જમાવવા માટે આમ આદમી પાર્ટી તરફથી કેજરીવાલ આજે અમરેલીમાં રોડ શો કરશે.