Gujarat Assembly Elections 2022: પત્નીને વિધાનસભા ટિકિટ મળ્યા બાદ રવિન્દ્ર જાડેજાએ પીએમ મોદી માટે લખી ખાસ પોસ્ટ....

જામનગરઃ Gujarat Assembly Elections 2022 : ગુજરાત વિધાનસભા ચૂંટણીને લઈને ભાજપે આજે 182 સીટોમાંથી 160 સીટો માટે ઉમેદવારના નામની જાહેરાત કરી દીધી છે. ભાજપે પહેલા 1 ડિસેમ્બરમાં યોજાનારી ચૂંટણી માટે 84 ઉમેદવારોના નામ જાહેર કર્યાં છે. ભાજપે જામનગર નોર્થથી સ્ટાર ક્રિકેટર રવિન્દ્ર જાડેજાના પત્ની રિવાબા જાડેજાને ટિકિટ આપી છે. 

રવિન્દ્ર જાડેજાએ શું કહ્યું
પત્નીને વિધાનસભામાં ટિકિટ મળવા પર પ્રથમ પ્રતિક્રિયા આપતા રવિન્દ્ર જાડેજાએ પોતાના પત્નીને શુભેચ્છા આપી છે. તેમણે ટ્વીટ કરીને કહ્યું કે ભાજપે જામનગર નોર્થ વિધાનસભા સીટથી ટિકિટ મળવા પર તમને ખુબ શુભેચ્છા. આ બધુ તમારી મહેનતનું પરિણામ છે. મારા તરફથી તમને ખુબ ખુબ શુભકામનાઓ. તમે તમારા કાર્યોથી સમાજનું ભલું કર્યું છે. રવિન્દ્ર જાડેજાએ પીએમ મોદી અને અમિત શાહનો પણ આભાર માન્યો છે. 

આ રેસ્ટોરન્ટના માલિક છે રિવાબા
રિવાબાએ રાજકોટની આત્મિય કોલેજમાંથી મિકેનિકલ એન્જિનિયરિંગની ડિગ્રી મેળવી છે. તેઓ પહેલાથી ભણવામાં આગળ હતા. અત્યારે તે જડ્ડૂ ફૂડ રેસ્ટોરન્ટના માલિક છે. તેમના પિતા શહેરના જાણીતા બિઝનેસમેન છે.