• ગુજરાતના 10 હજારથી વધારે સરકારી ડૉક્ટરોની હડતાળનો આજે ચોથો દિવસ

  • છેલ્લા 3 દિવસથી દર્દીઓ થઈ રહ્યા છે હેરાન-પરેશાન, ડૉક્ટરો પોતાની માગ પર અડગ 


અતુલ તિવારી/અમદાવાદ :ફરી એકવાર રાજ્યભરના સરકારી ડોક્ટર હડતાળ પર છે. રાજ્યભરના અંદાજે 10 હજાર સરકારી ડોક્ટર અચોક્કસ મુદ્દતની હડતાળ પર ઉતર્યા છે. સરકારે વારંવાર પડતર માગણીઓ પુરી કરવા અંગે બાંહેધરી આપવા છતાં માગણીઓ પુરી ના થતા ડોક્ટરોને આંદોલનનો માર્ગ અપનાવવો પડ્યો છે. રાજ્યની સરકારી, GMERS સંચાલિત કોલેજ તેમજ PHC સેન્ટરના ડોક્ટરો તમામ પ્રકારના કામકાજથી અળગા રહી વિરોધ કરી રહ્યા છે. ત્યારે રાજ્યભરના સરકારી ડોકટરોની હડતાળનો ચોથો દિવસ છે. સરકાર તરફથી હડતાળ પૂર્ણ થાય એ દિશામાં હજુ સુધી કોઈ પ્રયાસ કરાયો નથી. તો બીજી તરફ, રાજ્યભરના સરકારી ડોક્ટરો આ વખતે ઠરાવ ના થાય ત્યાં સુધી હડતાળ ના સમેટવા મક્કમ છે. પરંતુ સરકારી ડોક્ટરો હડતાળ પર હોવાથી દર્દીઓ પરેશાન થયા છે. અનેક ઓપરેશન રદ્દ કરવાની ફરજ પડી રહી છે. ગરીબ દર્દીઓ ખાનગી હોસ્પિટલમાં સારવાર લેવા મજબૂર થઈ રહ્યા છે. સરકારી હોસ્પિટલમાં દર્દીઓ માટે વૈકલ્પિક વ્યવસ્થા કરાઈ હોવા છતાં સમયસર દર્દીઓને સારવાર આપવામાં તંત્ર નિષ્ફળ થઈ રહ્યું છે. 


COMMERCIAL BREAK
SCROLL TO CONTINUE READING

રાજ્યભરના સરકારી ડોકટરોના સમર્થનમાં અમદાવાદ મ્યુનિસિપલ સંચાલિત કોલેજના ડોકટર્સ આવ્યા છે. AMC સંચાલિત કોલેજના ડોકટર્સ પણ એક દિવસની હડતાળ કરી છે. NHL, શારદાબેન, એલ.જી. હોસ્પિટલના ડોક્ટરો પણ હડતાળ પર ઉતર્યા છે. ત્યારે હવે AMC સંચાલિત હોસ્પિટલમાં પણ ડોક્ટર્સ હડતાળ પર હોવાથી સારવાર માટે દર્દીઓને સમસ્યા સર્જાશે. 450 AMC ના ડોકટરો પણ સરકારી ડૉક્ટર્સના સમર્થનમાં હડતાળ પર ઉતર્યાં છે. 


આ પણ વાંચો : ગટરમાંથી સોનુ કાઢવાની લાલચમા બે યુવકોએ જીવ ગુમાવ્યો, અંદર ઉતરતા જ ગૂંગળાયા


બનાસકાંઠામાં ઓપીડી ચાલુ રાખનાર તબીબોને બંગડી અપાઈ
રાજ્યભરમાં ડોક્ટરોની હડતાળ યથાવત છે. ત્યારે બનાસકાંઠા જિલ્લાના ડીસામાં ડોક્ટરોનો અનોખો વિરોધ જોવા મળ્યો. OPD ચાલુ રાખનાર ડોક્ટરોને અન્ય ડોક્ટરોએ બંગડી આપી હતી. ડોક્ટરોને બંગડી આપી કામથી અળગા રહેવા અપીલ કરી હતી. 


તો જામનગરમાં સરકારી તબીબો પણ અચોક્કસ મુદતની હડતાળ કરી સાથ પૂરાવી રહ્યાં છે. જી.જી.હોસ્પિટલ કેમ્પસ ખાતે તબીબો દ્વારા આજે હવન દ્વારા અનોખો વિરોધ દર્શાવાયો છે. જામનગર મેડિકલ અને ડેન્ટલના 225 થી વધુ તબીબો હડતાળમાં જોડાયા છે. સૌરાષ્ટ્રની સૌથી મોટી જી.જી.હોસ્પિટલમાં તબીબોની હડતાલના પગલે OPD અને ઇમરજન્સી સહિતની આરોગ્ય સેવાઓને ભારે અસર થી રહી છે. 


આ પણ વાંચો : સરકાર જરા આ અધૂરા વિકાસ તરફ પણ નજર કરજો, કોન્ટ્રાક્ટર અધૂરો પુલ બનાવીને ભાગી ગયો 


વારંવાર થઈ રહેલી હડતાળ મામલે ગુજરાત મેડિકલ ટીચર્સ એસોસિએશનના પ્રેસિડેન્ટ ડોક્ટર રજનીશ પટેલે જણાવ્યું હતું કે વર્ષ 2012થી પડતર માગણીઓ માટે સરકાર સાથે વાટાઘાટો કરી રહ્યા છીએ. સરકારે અમને 31 માર્ચ સુધીમાં અમારી પડતર માંગો અંગે ઠરાવ કરી દેવાશે તેવી બાંહેધરી આપી હતી. સરકારે માગેલા સમયમર્યાદા બાદ પણ અમારી માગણીઓ પુરી થઈ નથી. પડતર પ્રશ્નોના નિરાકરણ મામલે સરકારે અત્યાર સુધીમાં 4 વખત અમને આશ્વાસન આપ્યું છે. સરકાર અમારી પડતર માગણીઓ મૌખિક રીતે સ્વીકારે છે ત્યારબાદ તેને પુરી કરાતી નથી. પૂર્વ સીએમ, ડેપ્યુટી સીએમ દ્વારા અમારી પડતર માગણીઓ અંગે ઠરાવ કરી દેવાયા બાદ નવી સરકારમાં અમારી માગણીઓ અંગેનો ઠરાવ રદ્દ થાય છે. અમે હડતાળ કરીએ એટલે અમારી માગણીઓ માની લેવાય છે, સરકારે માગણીઓ માની લીધી છે એવી જાહેરાતો કરી દેવામાં આવે છે. છેલ્લા 3 મહિનાથી રાજ્યના તમામ ડોક્ટરો સરકારના આશ્વાસન અને વચન પર વિશ્વાસ રાખી પડતર માગણીઓનો ઉકેલ આવશે એવી આશાએ વારંવાર હડતાળ રદ્દ કરતા રહ્યા છે. અમારી પડતર માગણીઓ અંગે આજદિન સુધી કોઈ પણ આદેશ સરકારે કર્યા નથી. અમારે કોની પર વિશ્વાસ કરવો એ સમજાતું નથી, અમારી સાથે વિશ્વાસઘાત થયો છે. હવે આખરી ઠરાવ ના થાય ત્યાં સુધી હડતાળ ના સમેટવા ડોક્ટરો મક્કમ બન્યા છે. 


આ પણ વાંચો : 


અમેરિકા-યુરોપની શાળાઓને પણ ટક્કર મારે તેવી ઝક્કાસ ડિજીટલ સ્કૂલ ગુજરાતમાં છે, એ પણ સરકારી


વિદ્યાર્થીઓના ભાવિ સાથે ખેલ : અમદાવાદની RH કાપડિયા સ્કૂલનો ભાડા કરાર રદ થયો છતા એડમિશન શરૂ કર્યાં