રાજ્યમાં 6થી 8 જુલાઈ ભારે વરસાદની આગાહી, માછીમારોને દરિયો ન ખેડવા સૂચના

અર્પણ કાયદાવાલા/અમદાવાદઃ હવામાન વિભાગ દ્વારા ગુજરાતમાં ભારે વરસાદની આગાહી કરવામાં આવી છે. 4, 5 અને 6 જુલાઈએ રાજ્યમાં ભારે વરસાદની આગાહી કરવામાં આવી છે. રાજ્યમાં સાયક્લોનીક સર્ક્યુલેશનની અસર જોવા મળશે. આ દિવસો દરમિયાન માછીમારોને દરિયો ન ખેડવાની પણ સૂચના આપવામાં આવી છે. દક્ષિણ ગુજરાત અને સૌરાષ્ટ્રના કેટલાક વિસ્તારમાં અતિ ભારે વરસાદ આવી શકે છે. તો અમદાવાદમાં સામાન્ય વરસાદની આગાહી કરવામાં આવી છે. 

રાજ્યમાં હાલ મોનસૂન સિસ્ટમ એક્ટિવ થઈ નથી. દેશના પશ્ચિમ વિભાગમાં અરબી સમુદ્ર વરસાદ લાવે તેવી કોઈ એક્ટિવિટી થઈ રહી નથી. હાલ સમુદ્રમાં થોડો ભેજ છે. ગુજરાતના દરિયાકાંઠાના વિસ્તારમાં વરસાદ પડી રહ્યો છે. તો દેશના ઉત્તર ભાગમાં લો-પ્રેશર બન્યું, તે છત્તીસગઢ-મધ્યપ્રદેશ તરફ આગળ વધ્યું છે. વરસાદ માટે લો-પ્રેશર અને અપરએર સાઈક્લોનિક સરક્યુલેશન જેવી સિસ્ટમ જરૂરી છે.

હવામાન ખાતા પ્રમાણે લો-પ્રેશર મધ્ય, પશ્ચિમ તરફ આગળ વધશે. આ લો પ્રેશર મધ્ય અને પશ્ચિમ ભારતના વિવિધ વિસ્તારોમાં આગળ વધશે. જેથી 6થી 8 જુલાઈ સુધી અમદાવાદ સહિત ગુજરાતમાં વરસાદ આવી શકે છે. 

જુઓ LIVE TV