તેજશ મોદી, સુરત: મુસ્લિમ મહિલાઓ માટેનું મહત્વનું એવા ત્રિપલ તલાકનાં બિલને રાષ્ટ્રપતિએ મંજુરી આપી દીધી છે. આ પહેલા સંસદના બંન્ને ગૃહમાં ઐતિહાસિક ત્રિપલ તલાક બીલ પસાર થઈ ગયું. પરંતુ હજુ સુધી આ બિલનો સત્તાવાર કાયદાનો અમલ પોલીસ ન કરી શકતી હોવાથી સુરત શહેરની મહિલાને નિરાશ થવાનો વારો આવ્યો છે. પત્નીને ફોન પર જ તલાક આપી દેનારા પતિ વિરૂધ્ધ સુરતના રાંદેર પોલીસ મથકમાં ફરિયાદ કરવા ગયેલી મહિલાની ફરિયાદ ત્રિપલ તલાક કાયદા પ્રમાણે પોલીસ ન લઈ શકતાં મહિલાએ નિરાશ થઈ પરત ફરવું પડ્યું છે.


COMMERCIAL BREAK
SCROLL TO CONTINUE READING

આ પણ વાંચો:- સુરતની માંગરોળ જીઆઇડીસીમાં આગ, કંપની મલિક ઘટના સ્થળથી ફરાર


શું છે સમગ્ર મામલો...
આ અંગે મહિલાએ જણાવ્યું હતું કે, થોડા દિવસ અગાઉ તેનો પતિ તેને સતત માનસિક ત્રાસ આપતો હતો. મહિનાઓ સુધી પિયર જવા દેતો નહોતો. એક દિવસ પતિ તેને પિયર છોડવા આવ્યો હતો. બાદમાં સાંજે પતિએ જ્યારે પત્નીને ઘરે આવવા ફોન કર્યો તો મહિલાએ ઘરે આવવાની નાં પાડી હતી. જેથી ઉશ્કેરાયેલા પતિએ ફોન કરી પત્નીને ત્રણ વખત તલાક આપી દીધા હતાં.


આ પણ વાંચો:- સુરત: કાર નીચે બાળક આવી જતા ચમત્કારિક બચાવ, વીડિયો થયો વાયરલ


આ ઘટનાથી મહિલા હેબતાઈ ગઈ હતી, તેનો એક નાનો બાળક પણ છે, ઘટના બન્યા બાદ મહિલા પોતાના બાળક સાથે પોતાના પિતાના ઘરે રહે છે. ત્રિપલ તલાકનો કાયદો મંજુર થતાં મહિલાને આશા બંધાઈ હતી કે તેને ન્યાય મળશે, અને તેથી જ મહિલા ન્યાય મેળવવા માટે મહિલા પોલીસ મથકમાં ફરિયાદ કરવા માટે પહોંચી હતી.


આ પણ વાંચો:- જબરદસ્તી લોકોની જમીન પડાવતી લિબાયત ગેંગ, સુરત પોલીસે ઝડપી પાડ્યો સાગરીત


જોકે મહિલાએ જ્યારે પોતાની આપવીતી પોલીસને જણાવી તો પોલીસે પોતાની લાચારી બતાવતા કહ્યું કે આ નવા કાયદાને અમલ કરવાનું કોઈ પણ નોટિફિકેશન હજુ તેમની પાસે આવ્યું નથી, જેથી કઈ રીતે ફરિયાદ દાખલ કરી શકે. જોકે મહિલાના પતિ વિરૂધ્ધ ત્રિપલ તલાકની જગ્યાએ દહેજ ધારા હેઠળ ગુનો નોંધવાની પોલીસે તૈયારી દર્શાવી હતી. જો કે આ દહેજની ફરિયાદમાં પતિને આસાનીથી જામીન મળી જાય તેમ હોવાથી મહિલા અરજી આપીને જતી રહી હતી અને કાયદો અમલમાં આવે પછી ગુનો નોંધાવવાની વાત કરી હતી.


જુઓ Live TV:-


ગુજરાતના અન્ય સમાચાર વાંચવા માટે અહીં ક્લિક કરો...