PICS દારૂબંધીવાળા ગુજરાતમાં દારૂ ઘૂસાડવા બુટલેગરોનો નવો ખેલ, જાણીને ચક્કર ખાઈ જશો

દેવ ગોસ્વામી, સાબરકાંઠા: દારૂબંધીવાળા ગુજરાતમાં દારૂની રેલમછેલ જોવા મળી રહી છે. કડક કાયદા હોવા છતાં બુટલેગરો રોજેરોજ નીતનવા કિમિયા અજમાવીને દારૂને ગુજરાતમાં ઘૂસાડી રહ્યાં છે. સાબરકાંઠાના હિંમતનગરના ગ્રામ્ય વિસ્તારમાંથી આવા જ એક કિમિયો અજમાવીને રાજસ્થાનથી ગુજરાતમાં ઘૂસાડવામાં આવેલા દારૂના જથ્થાને પોલીસે પકડી પાડ્યો. બાતમીના આધારે 20 લાખના વિદેશી દારૂના જથ્થાને પોલીસે પકડી પાડ્યો અને સાથે 2 આરોપીઓની પણ ધરપકડ કરી.

મળતી માહિતી મુજબ પોલીસે બાતમીના આધારે દારૂના આ ખેપને પકડી પાડી. વિદેશી દારૂના આ જથ્થાને સ્લિપિંગ કોચ ધરાવતી બક્ઝરી બસના બેડ નીચે ગુપ્ત ખાના બનાવીને રાખવામાં આવ્યો હતો. કોઈને પહેલી નજરે તો શંકા પણ ન જાય. રાજસ્થાનથી ગુજરાતમાં આ દારૂ ઘૂસાડવામાં આવ્યો હતો. પોલીસે બાતમીના આધારે લકઝરી બસમાંથી 370 વિદેશી દારૂની પેટી જપ્ત કરી.

પોલીસે કુલ 20 લાખની કિંમત ધરાવતા વિદેશી દારૂ સહિત 32 લાખનો મુદ્દામાલ પકડ્યો અને આ દારૂની ખેપ સાથે બે આરોપીઓની પણ ધરપકડ કરી લીધી છે. બુટલેગરોએ વિદેશી માલની હેરાફેરી માટે સ્લિપિંગ કોચ લક્ઝરીમાં ગુપ્ત ખાના બનાવડાવ્યાં હતાં. (VIDEO : વડોદરાની સ્કૂલમાં ખેલાયો ખૂની ખેલ, માસૂમની ઘાતકી હત્યા...)