SURAT માં એક જ મહિનામાં દક્ષિણ ગુજરાત વીજ કંપનીનાં 21 કર્મચારીનો ભોગ લીધો, કર્મચારીઓમાં ફફડાટ

સુરત : કોરોનાના ફફડાટ વચ્ચે દક્ષિણ ગુજરાત વીજ કંપનીના કર્મચારીઓ ગ્રાહકોને સતત 24 કલાક વીજ પુરવઠ્ઠો મળી રહે તે માટે કામગીરી કરી રહ્યા છે. છેલ્લા 20 દિવસથી કાળમુખા કોરોના વાયરસના સંક્રમણની અસર સતત જોવા મળી રહી છે. પરિણામ હાલમાં દક્ષિણ ગુજરાત વીજ કંપનીના  મોટી સંખ્યામાં કર્મચારીઓ કોરોના સંક્રમણ સામે જઝુમી રહ્યા છે. 21 જેટલા કર્મચારીઓ તો મેતને ભેટ્યા છે. 

ડેપ્યુટી એન્જિનિયર, ઇલેક્ટ્રીક આસિસ્ટન એન્જિનિયર સહિતનાં કર્મચારીઓ કોરોનાને કારણે મોતને ભેટ્યા છે. દક્ષિણ ગુજરાત વીજ કંપનીનાં પાલે, સુરત, વલસાડ અને રાજપીપળા સહિતનાં સમગ્ર દક્ષિણ ગુજરાતમાં મોતનો કેર હોવાથી વીજ કંપનીનાં કર્મચારીઓની માનસિક સ્થિતી પણ સતત કળથી રહી છે. આ સંજોગોમાં વીજ કંપની દ્વારા 50 ટકા કર્મચારીઓ સાથે થાક્યા વગર કામ કરી રહ્યા છે.

વીજ કંપનીનાં જે કર્મચારીઓ મોતને ભેટ્યા છે. તેના પરિવારજનોએ હાલનાં મરણનાં દાખલા મેળવવા સહિતની સમસ્યાઓનો સામનો કરવો પડ્યો હોવાની અનેક ફરિયાદો ઉઠી છે. આટલું જ નહી વીજ કંપનીનાં કર્મચારીઓને જે કોરોના થાય તો તેમને પણ હોસ્પિટલોમાં દાખલ થવા માટે લાઇનોમાં ઉભા રહેવું પડે છે. જેના કારણે કર્મચારીઓમાં ફફડાટ જોવા મળે છે. તેમને કમ કે કમ દાખલ થવા માટે અલાયદી વ્યવસ્થા હોય તેવી અપીલ કરી છે. 

અત્રે ઉલ્લેખનીય છે કે, કર્મચારીઓ ફફડાટ અને માનસિક ટેન્શમાં કામ કરે છે. તેઓને સતત નાગરિકો વચ્ચે જવાનું હોવાથી કોરોના સંક્રમિત થવાની શક્યતા વધારે રહે છે. તેવામાં તંત્ર દ્વારા તેમને સારવાર માટેની અલાયદી વ્યવસ્થા કરવામાં આવે તે ખુબ જ જરૂરી છે. કર્મચારીઓ 21 સાથી કર્મચારીઓનાં મોતનાં કારણે ફફડાટમાં કામ કરી રહ્યા છે.