ધરમ કરતા ધાડ પડી? ઘરકામ કરવા આવેલી યુવતી સામે આધેડે તમામ વસ્ત્રો ઉતારી કહ્યું મારી સેવા પણ કરવી પડશે અને...

* યુવતી ને નિર્વસ્ત્ર કરી  આધેડે આચર્યું દુષ્કર્મ
* આધેડની પત્નીની સેવા કરવા આવતી મહિલા સાથેજ કર્યું દુષ્કર્મ
* ડિવોર્સી મહિલાને લગ્ન કરાવી આપવા મુરતીયો શોધી આપવાનું કહી ઘરે બોલાવી હતી

મૌલિક ધામેચા /અમદાવાદ : બીમાર પત્નીની મદદ કરવા આવેલી મહિલા પર આધેડે દુષ્કર્મ આચર્યું. પતિએ દુષ્કર્મ આચર્યા બાદ ધમકી પણ આપી કે તું તાબે નહિ થાય તો ચાર વર્ષની દીકરી સાથે પણ આવું જ કરવુ પડશે. જોકે આખરે હિંમતભેર મહિલાએ  ફરિયાદ નોંધાવતા જ આરોપીની ધરપકડ કરી કાયદેસર કાર્યવાહી કરી છે. 

કીર્તિ મોદી નામનો વ્યક્તિ પત્ની સાથે પારિવારિક જીવન જીવતો અને લોડિંગ રીક્ષા ચલાવી ઘરનું ગુજરાન ચલાવતા શખ્સની એક ભૂલ હવે તેને જેલના સળિયા ગણાવશે. પોલીસે આરોપીની અટકાયત કરી પૂછપરછ કરતા સામે આવ્યું કે શહેરના પૂર્વ વિસ્તારમાં રહેતો કીર્તિ મોદી પત્નીની બીમારીના કારણે મદદ માટે મહિલા મિત્રને ઘરે બોલાવતો હતો. કીર્તિએ એકલી સુઈ રહેલી યુવતીની બાજુમાં જઈને સુઇ ગયો હતો, ત્યારબાદ મહિલાએ વિરોધ કરતા તેને ધમકી આપીને નિવસ્ત્ર કરી નાખી હતી. અગાઉ પણ તેણે આ રીતે મહિલા પર દુષ્કર્મ આચર્યું હતું. આ ઘટનાથી ગભરાઈ ગયેલી મહિલા બીજા દિવસે ત્યાંથી ભાગીને પોલીસને જાણ કરતા રામોલ પોલીસે આરોપી સામે ગુનો નોંધી ધરપકડ કરી. 

ભોગ બનનાર 28 વર્ષીય મહિલાને પતિએ છૂટાછેડા આપ્યા બાદ બે બાળકો સાથે પરિવારનું ગુજરાન ચલાવતી હતી. આ દરમિયાન તેને એક પરિચિત વ્યક્તિએ એક દંપતી સાથે મુલાકાત કરાવી હતી. યુવતીને બે બાળકો સાથે કોઈ સહારો આપે તો તેના જીવનમાં રાહત મળી જાય તેમ હતું. આ સમયે રામોલ વિસ્તારમાં રહેતા આ દંપતીએ યુવતીને કહ્યું કે પાડોશમાં એક યુવક રહે છે જેની સાથે તારા લગ્ન કરવી આપું. આ બધી વાત ચાલી રહી હતી ત્યારે લગ્નની વાત કરનાર મહિલાની તબિયત લથડી અને તેણે યુવતીને કહ્યું કે, તું મને થોડા દિવસ માટે ઘરકામમાં મદદ કરીશ?

જેથી યુવતીએ હા પાડી અને તેની નાની દિકરીને લઈને તેમના ઘરે રહેવા ગઈ હતી. આખો દિવસ યુવતી અને તેની દીકરી આ દંપતીના ઘરમાં ઘરકામ કરતા અને મદદ કરતા હતાં. યુવતી થાકીને ઘરના ખૂણામાં સુઈ રહેતી હતી. આ દરમિયાન ઘરનો મોભી એવો કીર્તિ બીમાર પત્ની સુઈ જતા યુવતી જે રૂમમાં હતી ત્યાં પહોંચી ગયો હતો. અને યુવતીની બાજુમાં સુઈ ગયો હતો અને દુષ્કર્મ આચર્યું હતું. એક દંપતીની મદદ કરવાનું મહિલાને ભારે પરિણામ ભોગવવું પડ્યું છે. પતિની શોધમાં તેણે આ દંપતીની મદદ કરી અને આખરે તેને આ અત્યાચાર સહન કરવાનો વારો આવ્યો. ત્યારે યુવતીને ન્યાય મળે તે બાબતે પોલીસ યોગ્ય તપાસ કરી ન્યાય અપાવવા કાર્યવાહી કરશે.