ટ્રમ્પ-મેલેનિયા એકલા નહિ હોય, દીકરી ઈવાન્કા અને જમાઈ પણ બનશે મોંઘેરા મહેમાન

અમદાવાદ :અમદાવાદમાં યોજાનાર ભવ્ય નમસ્તે ટ્રમ્પ (namaste trump) કાર્યક્રમને લઇને સૌથી મોટી ખબર સામે આવી છે. ટ્રમ્પ દંપતી એકલા ભારતના પ્રવાસે નહિ આવે. સાથે તેમની પુત્રી અને જમાઇ પણ હાજર રહેશે. આગામી 24-25 ફેબ્રુઆરીના રોજ અમેરિકાના રાષ્ટ્રપતિ ટ્રમ્પ સાથે તેમના પત્ની મેલાનિયા ટ્રમ્પ (melania trump) પણ ગુજરાત આવશે. આ સાથે ડોનાલ્ડ ટ્રમ્પ (Donald Trump) ના પુત્રી ઈવાન્કા ટ્રમ્પ (ivanka trump) અને તેમના પતિ પણ હાજર રહેશે. આખો ટ્રમ્પ પરિવાર અમદાવાદ અને આગરાની મુલાકાત લેશે. આમ, અમેરિકાનો પહેલો પરિવાર નમસ્તે ટ્રંપ કાર્યક્રમમાં હાજર રહેશે. 

2 દિવસ બાદ અમેરિકાના રાષ્ટ્રપતિ ડોનાલ્ડ ટ્રમ્પ પરિવાર સાથે અમદાવાદ પહોંચશે. આ માટે મોટેરા સ્ટેડિયમ લાઈટિંગથી સજીધજીને તૈયાર થઈ રહ્યું છે. 24 ફેબ્રુઆરીએ વિશ્વના સૌથી મોટા મોટેરા સ્ટેડિયમમાં નમસ્તે ટ્રમ્પ કાર્યક્રમ યોજાશે. આખી દુનિયા જોતી રહી જાય અને ક્રિકેટ રસિયાઓ યાદ રાખે તેવા કાર્યક્રમની યજમાની અમદાવાદ કરવા જઈ રહ્યું છે. નમસ્તે ટ્રમ્પ માટે સ્ટેડિયમમાં રાષ્ટ્રીય કલાકારો પરફોર્મન્સ આપવાના છે. બંને દિગ્ગજ નેતાઓના સંબોધન પહેલા યોજાશે રંગારંગ સાંસ્કૃતિક કાર્યક્રમો યોજાશે.