ફોર્મ ભરવા ઉમેદવારોની દોડાદોડી, વોર્ડ બદલાતા રડી પડ્યા કોંગ્રેસના મહિલા ઉમેદવાર

ગુજરાતની 6 મહાનગરપાલિકાઓની ચૂંટણીમાં ફોર્મ ભરવાનો આજે આખરી સમય છે. ત્યારે ભાજપ અને કોંગ્રેસ બંનેના સદસ્યો ફોર્મ ભરવા સરકારી કચેરીએ પહોંચી ગયા છે. ઉમેદવારો પોતાના સમર્થકો સાથે કચેરીએ પહોંચ્યા છે. જેને કારણે કચેરીની બહાર ટોળેટોળા જામેલા દેખાઈ રહ્યાં છે. આજે ફોર્મ ભરાઈ જાય બાદ સોમવારે ઉમેદવારી પત્રોની ચકાસણી થશે. તો 9 તારીખ ફોર્મ પાછું ખેંચવાનો છેલ્લો દિવસ છે. તો 21 તારીખે મતદાન થશે.