અરવલ્લીમાં ભયાનક દુર્ઘટના : 150 બકરાં ભરેલી ટ્રક સળગી, ત્રણ લોકો આગમાં ભડથું

Arvalli News અરવલ્લી : અરવલ્લીના મોડાસાના બામણવાડ પાસે ભયાનક દુર્ઘટના સર્જાઈ હતી. એક ટ્રકમાં ભીષણ આગમાં ત્રણ લોકો આગમાં ભડથું થયા હતા. તો સાથે જ ટ્રકમાં મૂકાયેલા 150 ઘેટા-બકરાના પણ મોત થયાં છે. વીજ વાયર ટ્રકને અડ્યો હતો અને આ દુર્ઘટના બની હતી. 

પ્રાપ્ત માહિતી અનુસાર, અરવલ્લીના બામણવાડ પાસે બકરા ભરેલી ટ્રકમાં ભીષણ આગથી હોનારત સર્જાઈ હતી. એક ટ્રક વીજ તારને અડકી જતા ટ્રક ભડભડ સળગી ઊઠી હતી. ઘેટા-બકરા ભરેલી ટ્રક રસ્તા પરથી પસાર થઇ રહી હતી ત્યારે વીજતાર અડી જતાં આ ઘટના સર્જાઇ હતી. આ આગમાં ટ્રકમાં બેઠેલા એક બાળક સહિત ત્રણ લોકો પણ ભડથું થયા હતા. તો સાથે જ ટ્રકમાં ૧૫૦ થી વધુ ઘેટા બકરાં પણ મૂક્યા હતા, જે પણ બળીને ખાખ થયા હતા.