પારકી પરણેતર સાથે હોટલના વાયરલ થયેલા Video અંગે AAP ધારાસભ્યે આપ્યું મોટું નિવેદન, જાણો શું કહ્યું?

રાજ્યમાં અનેકવાર રાજકીય પાર્ટીના નેતાઓના યુવતી સાથે રંગરેલિયા મનાવતા હોવાની ઘટનાઓ પ્રકાશમાં આવતી હોય છે, ત્યારે ગુજરાતમાં આમ આદમી પાર્ટીના ધારાસભ્ય  ભૂપત ભાયાણી એક હોટલના રૂમમાં રંગે હાથ ઝડપાઈ ગયા હતા.  વાત ચારેતરફ ખબર પડતા તેઓ પોતાના મોઢા પર રૂમાલ રાખીને ભાગ્યા હતા. પરંતુ ત્યાં સુધીમાં તેમનો ચહેરો સીસીટીવી કેમેરામાં કેદ થઈ ચૂક્યો હતો. હવે આ અંગે ધારાસભ્ય ભૂપત ભાયાણીએ નિવેદન આપ્યું છે. 

એક ઈન્ટરવ્યુમાં વીડિયો વિશે જણાવતા વિસાવદરના ધારાસભ્ય ભૂપત ભાયાણીએ કહ્યું કે ભાગવું પડે એવું કોઈ આચરણ મે કર્યું નથી. તેમણે કહ્યું કે આ જે ફૂટેજ  છે તે જૂનું છે અને ક્યારનું છે તે મને પણ યાદ નથી. કોઈ બદનામ કરવા માટે આવું કદાચ કર્યું હશે. તેમણે તે આ વીડિયોને રાજકીય કાવતરું સુદ્ધા ગણાવી દીધુ. 

અત્રે જણાવવાનું કે આ વિશે મળતી માહિતી પ્રમાણે, ધારાસભ્યનો આ વીડિયો હાલ સોશિયલ મીડિયામાં વાયરલ થયો છે, જેના કારણે રાજકીય વર્તુળોમાં ખળભળાટ મચી જવા પામ્યો છે. આ ધારાસભ્ય એક યુવતી સાથે હોટલમાં ઝડપાયા હતા. આ કેસમાં યુવતીના પતિએ રંગેહાથે ઝડપતાં AAP ધારાસભ્ય મોઢે રૂમાલ ઢાંકીને ત્યાંથી ભાગ્યા હતા.