મોરબી: શ્રાવણીયા જુગાર પર આરઆરસેલનાં દરોડા, 50 લાખના મુદ્દામાલ સાથે 7 જુગારી ઝડપાયા

મોરબી : કારાના સજ્જનપર નજીક ધુનડા રોડ પર આવેલા ઓમ વિલા બંગલોમાં આરઆર સેલ દ્વારા 50 લાખના મુદ્દામાલ સાથે 7 જુગારીઓને ઝડપી લેવામાં આવ્યા છે. બનાવ અંગે વિગતે મળતી માહિતી અનુસાર ટંકારાના સજ્જનપર નજીક ધુનડા રોડ પર આવેલા ઓમ વિલામાંથી ગઇકાલે સાંજે રાજકોટ રેન્જ આરઆરસેલ દ્વારા જુગારની બાતમીનાં આધારે દરોડો પાડ્યો હતો. 

જેના આધારે રેડ કરતા બંગલાનો માલિક ધવલ ભગવાનજી છત્રોલા રહે. બોની પાર્ક, મોરબી, બાબુ રુગનાથ ભાજડા રહે.ચંદ્રેશનગર, મોરબી, જીવરાજ મેઘજી મોસાણ રહે.ઋષભ પાર્ક મોરબી, હર્ષદ ભાણજી સંઘાણી રહે. નાની વાવડી મોરબી, પંકજ જયંતિ છત્રોલા રહે. છત્રોલા તા. મોરબી, રજનીકાંત ભવાન જીવાણી રહે. અવનીરોડ, મોરબી, મહેશ રુગનાથ કુડારીયા રહે. ઉમિયા સર્કલ, મોરબીને ઝડપી લીધા છે. 

દરોડામાં રોકડ રકમ 25,44,100 તેમજ મોબાઇલ 8 કિંમત રૂપિયા 40 હજાર અને બે ગાડી 25 લાખ રૂપિયાનાં મુદ્દામાલ સહિત કુલ 50,84,100ની રેડ પાડી હતી. જેના પગલે જુગારીઓમાં ફફડાટ વ્યાપ્યો છે.અત્રે ઉલ્લેખનીય છે કે, આરઆરસેલ દ્વારા જુગાર કે દારૂ પર દરોડો પાડ્યા છે. આ અંગે એસપી દ્વારા તપાસ કરવામાં આવી રહી છે. જો પીઆઇ કસુરવાર ઠરશે તો તેને સસ્પેન્ડ કરવામાં આવશે.