પાટણના યુવકનું જર્મનીમાં રહસ્યમયી મોત, તળાવમાં મળી લાશ, પટેલ પરિવારે એકનો એક દીકરો ગુમાવ્યો

Patan News : વિદેશમાં વધુ એક ગુજરાતી યુવકનું મોત થયું છે. પાટણ જિલ્લાના ચાણસ્મા તાલુકાના સેવાળા ગામના આશાસ્પદ યુવકનું જર્મનીમાં રહસ્યમય મોત થયું છે. પાટણના સેવાળા ગામનો પાટીદાર યુવક જર્મનીના તળાવમાં મૃત હાલતમાં મળી આવ્યો હતો. દીકરાના મોતની જાણ થતા પટેલ પરિવાર પર આભ તૂટી પડ્યું. 

પ્રાપ્ત માહિતી અનુસાર, સેવાળાના વતની અને ધંધાર્થે સુરત ખાતે સ્થાઈ થયેલા રમેશભાઈ મોતીરામ પટેલના દીકરા ચિરાગ પટેલનું જર્મનીમાં રહસ્યમયી રીતે મોત નિપજ્યું છે. ચિરાગ પટેલની લાશ જર્મનીના એક તળાવમાંથી મળી આવી હતી. પાંચ વર્ષ અગાઉ ચરિગા પટેલ જર્મનીમાં ઓટોમોબાઇલના અભ્યાસ અર્થે ગયો હતો. પાંચ દિવસ પહેલા યુવકની લાશ જર્મનીમાં તળાવમાંથી મળી આવી છે.