ચોમાસુ: ભાણવડમાં 2 અને પોરબંદરમાં 1 ઇંચ વરસાદ, જસદણ અને ગોંડલમાં ધોધમાર

રાજકોટ : સૌરાષ્ટ્રમાં આજે રવિવારે સવારથી જ વાદળછાયું વાતાવરણ જોવા મળી રહ્યું છે. ત્યારે ભાણવડમાં આજે સવારે ધોધમાર વરસાદ વરસ્યો હતો. બે કલાકમાં બે ઇંચ વરસાદથી રસ્તા પર પાણી ભરાયા હતા. પોરબંદરમાં પણ સવારે 2 કલાકમાં એક ઇંચ વરસાદ પડતા લોકોને રાહત થઇ હતી. જુનાગઢમાં 10 એમએમ, રાણાવામાં 6 અને ગીર સોમનાથમાં 4 એમએમ વરસાદ નોંધાયો હતો. 

સારા વરસાદના પગલે કપાસ અને મગફળીનાં પાકને ફાયદો થતા ખેડૂતોમાં ખુશીનો લાગણી જોવા મળી રહી છે. લાઠીમાં ધીમીધારે ગોંડલમાં ધોધમાર વરસાદ વરસ્યો હતો. ભારે વરસાદનાં રસ્તા પર પાણી ભરાઇ જવાથી લોકોને હાલાકી પડી હતી. લાઠીમાં ધીમી ધારે ગોંડલમાં ધોધમાર વરાદ વરસ્યો હતો. જસદણમાં ધોધમાર વરસાદથી રસ્તા પર પાણી ફરી વળ્યા છે. 

સામાન્ય વરસાદમાં જ રાજકોટમાં જળબંબાકાર થઇ ગયો હતો. લાઠી પંથકમાં ધીમી ધારે વરસાદ વરસ્યો હતો. પવન સાથે ધીમી ધારે વરસાદથી વાતાવરણમાં ઠંડક પ્રસરી છે. ભાણવડમાં ભારે વરાદથી રસ્તાઓ પર પાણી ફરી વળ્યા હતા. સૌરાષ્ટ્રમાં ચાલુ સિઝનમાં 67 ટકા વરસાદ વરસી ચુક્યો છે. સૌરાષ્ટ્રનાં ત્રણ જિલ્લામાં 100 ટકાથી વધારે વરસાદ પડ્યો છે.