રાજકોટમાં 2 યુવતીઓનો મારામારીનો VIDEO વાયરલ; અભદ્ર ગાળો, કપડાં ખેંચ, લોકોમાં દુવિધા અને પછી...

ઝી બ્યુરો/રાજકોટ: રાજકોટમાં છુટ્ટાહાથની મારામારીનો એક વીડિયો વાયરલ થયો છે. સોશિયલ મીડિયા પર લાખાજીરાજ રોડ વિસ્તારનો એક વીડિયો વાયરલ થયો છે. જેમાં યાજ્ઞિક રોડ પર 2 યુવતીઓ સરેઆમ ધોળા દિવસે છુટ્ટાહાથની મારામારી કરી રહી છે. જેમાં 2 યુવતીઓ પૈકી 1 યુવતીએ ટ્રાફિક વોર્ડનનો ડ્રેસ પહેર્યો છે.

આ ઘટના વિશે મળતી માહિતી પ્રમાણે,  યાજ્ઞિક રોડ પર 2 યુવતીઓ સરેઆમ મારામારી કરી રહી છે. બંને યુવતિઓ વચ્ચે વાહન ક્રોસ કરવા બાબતે બોલાચાલી થઈ હતી, ત્યારબાદ છુટ્ટાહાથની મારામારી થઈ હતી. એક યુવતી દ્વારા તો અભદ્ર શબ્દોનો ઉપયોગ કરવામાં આવ્યો હતો. જેના કારણે રોડ પર અવર જવર કરતા લોકો આશ્ચર્યમાં મૂકાયા હતા. 

રાજકોટમાં બે યુવતીઓ વચ્ચે થયેલ છુટ્ટાહાથની મારામારીની જાણ પોલીસને થતાં ઘટના સ્થળે પોલીસ પહોંચી સમગ્ર મામલો થાળે પાડ્યો હતો. ત્યારે બે યુવતીઓ વચ્ચે થયેલ મારામારીનો વિડિયો સોશિયલ મીડિયા પર લોકોમાં કુતૂહલ જગાવ્યું હતું.