ભૂજમાં 18 વર્ષની યુવતી 540 ફૂટ ઊંડા ખાડામાં પડી! બહાર કાઢવા રેસ્ક્યૂ ઓપરેશન ચાલુ કરાયું

Kutch New : કચ્છના ભુજમાં આવેલ કંડેરાઈ ગામમાં 18 વર્ષીય યુવતી અંદાજે 540 ફૂટના ઊંડા બોરવેલમાં પડી છે. ભુજ નગરપાલિકા ફાયર વિભાગની ટીમ ઘટના સ્થળે પહોંચી છે. કિશોરીને બહાર કાઢવાની કામગીરી શરૂ કરાઈ છે. ભચાઉ ફાયર વિભાગની ટીમે  રેસ્ક્યુ કામગીરી શરૂ કરી છે. 

પ્રાપ્ત માહિતી અનુસાર, ભુજના કંડેરાઈ ગામના વાડી વિસ્તારમાં 19 વર્ષીય યુવતી સવારના 5.00 થી 5:30 વાગ્યાના અરસામાં 500  બોરવેલમાં પડી ગઈ હતી. તો આ યુવતીને રેસ્ક્યુ કરવા માટે પ્રયત્નો હાથ ધર્યા છે. જેમાં ભુજ ફાયર વિભાગ ભચાઉ ફાયર વિભાગ તેમજ 108 ઈમરજન્સી એમ્બ્યુલન્સ દ્વારા પણ કામગીરી હાથ ધરવામાં આવી છે. તો બોરવેલમાં કેમેરા મોકલીને પરિસ્થિતિ જાણવામાં આવી રહી છે. સાથે જ યુવતીને ઓક્સિજન પણ પહોંચાડવામાં આવી રહ્યું છે. 

પશ્ચિમ કચ્છ એસપી પ્રાંત અધિકારી મામલતદાર પોલીસ સહિતના અધિકારીઓનો કાફલો પણ સ્થળ પર પહોંચ્યો છે. 500 ફૂટ ઊંડા બોરવેલ માં આ યુવતી કઈ રીતે પડી તે પણ જાણવાનો પ્રયત્ન કરવામાં આવી રહ્યો છે. તો યુવતીના રેસ્ક્યુ માટે ગાંધીનગરથી એનડીઆરએફની ટીમ પણ રવાના થઈ ચૂકી છે. તો બીએસએફના અધિકારીઓ પણ સ્થળ પર પહોંચ્યા છે. જોકે હજુ સુધી બોરવેલની અંદર પડેલી યુવતીની સ્થિતિ જાણી શકાય નથી.