અમદાવાદ : જે વાનમાંથી 3 બાળકો નીચે પટકાયા હતા, તેના ડ્રાઈવરની ધરપકડ કરાઈ

મૌલિક ધામેચા/અમદાવાદ :ગઈકાલે અમદાવાદની એક ઘટના સામે આવી હતી, જેમાં ચાલુ વાનમાંથી 3 બાળકો નીચે પટકાયા હતા. જેમાં એક વિદ્યાર્થી ગંભીર રીતે ઘાયલ થયો હતો. આ ઘટનાની નોંધ શિક્ષણ વિભાગ દ્વારા લેવાઈ અને રાજ્યનું તંત્ર મોડે મોડે જાગ્યુ હતું. પૂર બાદ પાળ બાંધવા નીકળેલા તંત્રએ આજે સમગ્ર રાજ્યમાં ચેકિંગ હાથ ધર્યું હતું. જેમાં વાનમાં કેવી રીતે બાળકો લઈ જવાય છે, તેનું ચેકિંગ કર્યું હતું. તો બીજી તરફ, સ્પીડમાં ગાડી હંકારનાર પંચામૃત સ્કૂલના ડ્રાઈવરની મોડી રાત્રે ધરપકડ કરવામાં આવી છે. 

જી ડિવાઝીન ટ્રાફિક શાખાના પીઆઈ એસ.આર ગાવીતે જણાવ્યું કે, આ ઘટનામાં પંચામૃત સ્કુલ વાનના ડ્રાઈવર કિરણ દેસાઈની મોડી રાત્રે ધરપકડ કરવામાં આવી છે. ડ્રાઈવર કિરીટ દેસાઈની 'જી' ડિવીઝન ટ્રાફીક પોલીસે ધરપકડ કરી છે. 

તો બીજી તરફ, બાળકોએ ડ્રાઈવર કિરણ દેસાઈને વાન ધીમી ચલાવવા કહ્યું હતું, પરંતુ તેણે વાન ધીરે ચલાવી ન હતી. સવારે પણ તેઓને ટોક્યા હતા, છતાં ન સાંભળતા બપોરે આ બનાવ બન્યો હતો. જી ટ્રાફિક પોલીસે સ્કૂલવાન ચાલકની ધરપકડ કરી વધુ તપાસ હાથ ધરી છે.

સમગ્ર ગુજરાતના લેટેસ્ટ સમાચાર, જુઓ LIVE TV :