Surat News : સુરતના લાલ દરવાજા વિસ્તારમાં લૂંટની અજીબ ઘટના બની હતી. ચાલુ બાઈક પર જઈ રહેલા એક દંપતી પાસેથી એક ચોરે પર્સ ખેંચવાનો પ્રયાસ કરતા, દંપતી નીચે ઢસડાયુ હતું. પરંતુ વૃદ્ધે બહાદુરીથી ચોરને પકડી પાડ્યો હતો. વૃદ્ધ તેને પકડીને માર મારી રહ્યા હતા, ત્યારે તે મોપેડ મૂકીને ભાગી ગયો હતો. આ ઘટનામાં પત્નીના હાથમાં ફ્રેક્ચર થયું છે. સુરતના રસ્તા પર આ દરમિયાન ઝપાઝપીના ફિલ્મી દૃશ્યો જોવા મળ્યા હતા. આ તમામ દ્રષ્યો એક CCTV કેમેરામાં કેદ થયા હતા. 


COMMERCIAL BREAK
SCROLL TO CONTINUE READING

પ્રાપ્ત માહિતી અનુસાર, સુરતના લાલ દરવાજા વિસ્તારમાં આ ઘટના બની હતી. મનસુખભાઈ અને વિજયાબેન નામનું એક દંપતી બાઈક પરથી પસાર થઈ રહ્યુ હતું, ત્યારે પાછળથી મોપેડ પર આવેલા એક યુવકે મહિલા પાસેનું પર્સ ચોરવાનો પ્રયાસ કર્યો હતો. આ ઘટનામાં બને દંપતી બાઈક સાથે નીચે પટકાયા હતા. જોકે, પતિએ ગજબની હિંમત દાખવીને ઘડીના છઠ્ઠા ભાગમાં ચોરને પકડી લીધો હતો. તેઓએ ચોરને મોપેડ પરથી ઉતારીને માર મારવાનો પ્રયાસ કર્યો હતો. પરંતુ ચોર મોપેડ મૂકીને ભાગી છૂટવામાં સફળ નીવડ્યો હતો. 


મિત્રની ગાડી લઈને નીકળેલા નબીરાઓએ થાર કાર નીચે દંપતીને કચડ્યા, લાયસન્સ વગર કાર ચલાવી


 


અમદાવાદમાં થશે અસલી દંગલ : પહેલીવાર WWE જેવી કુશ્તી ઘરઆંગણે જોવા મળશે