સુરત: લોનનાં બાકી હપ્તાની ઉઘરાણી માટે ગયેલા એજન્ટ પર હુમલો, દોડાવી દોડાવી માર્યો માર

તેજસ મોદી/સુરત: કોરોનાના ભયના માહોલ વચ્ચે પણ ગુનાઓ બનતા રહે છે. સુરતમાં બજાજ ફાયનાન્સમાંથી લીધેલી લોનનાં બાકી હપ્તાની ઉધરાણી કરવા ગયેલા એજન્ટ પર લોન લેનારે લાકડાના ફટકા મારીને હૂમલો કરીને ઇજા પહોંચાડી હતી. આ અંગેની ફરિયાદ પોલીસ સ્ટેશનમાં નોંધાવી છે. જો કે સમગ્ર ઘટના નજીકનાં સીસીટીવીમાં કેદ થતા પોલીસે સીસીટીવીના આધારે પોલીસે તપાસ આદરી છે.

સુરતના મગદલ્લા વીઆર મોલ સામે આવેલા ઇડબલ્યુએસ આવાસમાં રહેતા મુકેશ પવનલુત તિવારી બજાજ ફાયનાન્સ કંપનીમાં એજન્ટ તરીકે નોકરી કરે છે. તેમની કામગીરી લોનનાં બાકી હપ્તા વસુલ કરવાની છે. વેસુ એલપી સવાણી સ્કુલ પાસે આવેલી મુક્તાનંદ સોસાયટીમાં રહેતા નિધિષ સોલંકીએ બજાજ ફાયનાન્સમાંથી લોન લીધી હતી. ત્યાર બાદ ત્રણ જેટલા હપ્તા ભર્યા નહોતા. જેના પગલે ગતરોજ તેમાં ઘરે આ મામલે રૂપિયાની ઉઘરાણી માટે ગયા હતા. 

મુકેશ પોતાનાં મિત્ર સૌરભ સાથે નિઘિષનાં ઘરે ઉઘરાણી માટે ગયો હતો. જો કે ઘર નહી હોવાથી તે પરત ફરી રહ્યો હતો. નિધિષે ફોન કરીને હિસાબ કરી જવા માટે કહેતા મુકેશને કહેતા તે તેના મિત્ર સાથે ગયો હતો. અહીં લોન લેનાર પોતાનાં મિત્ર સાથે રહીને મુકેશ તેના મિત્ર નિધિષ પર લાકડીના ફટકા મારીને હૂમલો કરીને ઇજા પહોંચાડી હતી. જો કે સમગ્ર ઘટના નજીકમાં રહેલા સીસીટીવીમાં કેદ થઇ ગઇ હતી.