સુરત સાંસદ દર્શનાબેન પાસે ટ્રાફિક નિયમ ભંગ બદલ રૂપિયા 500 વસુલાયા

ચેતન પટેલ/સુરત: સુરતમા ડક્કા ઓવારા પર સફાઇ અભિયાન દરમિયાન સાસંદ દર્શનાબેન જરદોશ દ્વારા જેસીબી મશીન ચલાવી સફાઇ કરવામા આવી હતી. જે અંગે સ્થાનિકે પોલીસ કમિશનરને આ અંગે ફરિયાદ કરતા તેમની પાસેથી કલમ 181 મુજબ રુ 500 નો દંડ વસૂલવામા આવ્યો હતો. સુરતમા 4થી મે 2018ના રોજ નાનપુરા ડંકકા ઓવારા ખાતે સફાઇ અભિયાન હાથ ધરવામા આવ્યુ હતુ. 

આ સફાઇ અભિયાનમા સાસંદ દર્શનાબેન જરદોશે પણ ભાગ લીધો હતો. જો કે દર્શનાબેને સફાઇ અભિયાન અંતર્ગત હાજર જેસીબી મશીનમા બેસી તેને ચલાવી સફાઇ કરી હતી. જે અંગે સ્થાનિક નાગરિકે આ અંગે ટ્રાફિક વિભાગમા ફરિયાદ કરી હતી કે લાયસન્સ ન હોવા છતા દર્શનાબેને જેસીબી મશીન ચલાવી ટ્રાફિકના નિયમનુ ભંગ કર્યો છે . 

છતાં ત્યાં કોઈ પણ પ્રકારની કાર્યવાહી કરવામાં આવી ન હતી. જેથી આ નાગરિકે પોલીસ કમિશ્નર ને આ અંગે ફરિયાદ કરી હતી .જે ફરિયાદ ના આધારે પોલીસ કમિશ્નર દ્વારા કલમ ૧૮૧ મુજબ સાંસદ દર્શના બેન પાસે થી રૂ ૫૦૦ નો દંડ વસુલવામાં આવ્યો હતો.